CERVO .- Esta mañá tivo lugar no Concello de Cervo a presentación aos medios de comunicación dos detalles do proxecto construtivo da futura praza e área de ocio-esparexemento que o Concello ten previsto construír na vila de San Ciprián.
Durante o encontro cos xornalistas, o alcalde de Cervo, Alfonso Villares, indicou que as pretensións do grupo de Goberno local é recuperar o nome orixinario da área e denominar á nova infraestrutura “Praza dos Campos”. De cumprirse os prazos previstos, as obras de construción deste novo espacio público poderían estar en marcha no mes de setembro. “A nosa intención é deixar pasar os meses de verán para comezar cos traballos de adecuación do terreo aló polo mes de setembro” indicou o rexedor.
O custe total da obra será de 1.051.000 euros e o seu financiamento corre ao 100% a cargo da Consellería de Medio Ambiente, Territorio e Infraestruturas da Xunta de Galicia a través de dúas axudas concedidas ao consistorio (de 900.000 euros e 151.000 euros respectivamente). A este respecto o rexedor agradeceu a colaboración económica prestada pola Xunta de Galicia “para que este proxecto no que levamos traballando dende hai moitos anos, poida ser por fin unha realidade dentro de pouco”.
Á hora de deseñar o proxecto, os responsables municipais tiveron coma obxectivo facer deste espacio “o lugar de tódolos veciños e o escenario no que todos poidan desenvolver actividades de lecer e esparexemento”. Para elo plantexáronse varios obxectivos coma a creación dunha gran praza pública na que se poida desenvolver a vida social.
Outro aspecto importante recollido no proxecto foi cubrir a falta de espazos ao aire libre para a práctica de actividades deportivas e lúdicas nos que se poda facer deporte dun xeito lúdico e sen necesidade de programación previa, como acontece actualmente coas infraestruturas deportivas actualmente existentes. Así mesmo se crea unha zona de xogos para os máis pequenos debidamente acondicionada que complementa e interactúa coas zonas de esparexemento e deporte “e que xustifica así aínda máis a súa razón de ser como espazo aberto de vida pública e actividade social” indicou o alcalde.
Outro aspecto a destacar é a creación de 30 novas prazas de aparcamento nesa zona, moi próxima á praia e que durante a tempada de verán adoecía deste tipo de dotacións para os vehículos de visitantes e veciños. Ademais, o proxecto contempla tamén a humanización da Rúa das Figueiras, “para convertela no eixe de comunicación entre a futura praza, a Casa do Mar e o parque Reina Sofía”. A construción da nova área traerá consigo tamén a renovación de todas as canalizacións e redes de servizos básicos da zona afectada.
Segundo o alcalde cervense, para o equipo de Goberno local a consecución desta obra é “a materialización dun soño” consistente en construír “un espazo urbano capaz de axudar a relacionarnos e a realizar actividades, a descansar e a pasear”. Villares tamén sinalou que á hora de acometer o deseño da área optouse por “abandonar calquera tipo de cuestións banais” e se optou por quedarse co esencial. “Tratouse de propoñer unha praza sobria, pero transcendente baseada en formas útiles e en técnicas axeitadas para satisfacer a súa función fundamental: o seu uso e o disfrute por parte dos cidadáns”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
