Viveiro, 10 de decembro de 2021. O Concello de Viveiro, a través da concellería de Cultura, organiza os días 17, 18 e 19 de decembro tres concertos que darán inicio á programación de Nadal deste ano. Estas citas musicais son un adianto da oferta cultural de Nadal, na que o Concello de Viveiro prepara os últimos detalles.
O venres 17 de decembro, ás 20:30 horas, a Igrexa das Concepcionistas acollerá o concerto do coro do Conservatorio Profesional de Música de Viveiro.
O sábado 18 de decembro ás 20:30 horas, de novo a Igrexa das Concepcionistas recibirá outra cita musical. Neste caso será o Concerto de Panxoliñas 2021, a cargo da Coral Polifónica Alborada de Viveiro.
Ambos eventos neste espazo contarán coa colaboración das Relixiosas Concepcionistas de Viveiro. Os dous concertos serán de balde ata completar aforo, sen reserva previa de entradas.
Por último, o domingo 19 de decembro ás 20:00, o Teatro Pastor Díaz recibirá o concerto do grupo “Escolma de Meus”. A entrada tamén será gratuíta, máis cómpre reservala previamente no teléfono 982 560162 ou en rbg.cultura@viveiro.es
Nestas tres citas musicais será obrigatorio o uso de máscara en todo momento, en cumprimento cos protocolos sanitarios actuais.
“Son tres concertos moi esperados, xa que estas agrupacións, tan activas en Viveiro, tiveron que deixar de actuar por mor da pandemia, polo que é unha sorte gozar de novo delas”, subliña Lara Fernández Fernández-Noriega, concelleira de Cultura de Viveiro
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
