A Mariña, 10 de decembro de 2021. A Mancomunidade de Concellos da Mariña asina o convenio para a execución do Plan de Sustentabilidade Turística da comarca coa Secretaría de Estado de Turismo e coa Axencia de Turismo de Galicia. Para o presidente, Fran Cajoto, trátase “da mellor das oportunidades para o turismo da Mariña”.
“Moi, moi satisfeito. Estou feliz”, declarou o presidente da Mancomunidade de Concellos da Mariña e alcalde de Foz, que asinou hoxe venres un convenio de 2,25 millóns de euros coa Secretaría de Estado de Turismo e coa Axencia de Turismo de Galicia, para a execución do Plan de Sustentabilidade Turística da Mariña. “Foi un traballo longo para chegar ata aquí: quero dar as grazas a todas as administracións. Non é momento para lembrar declaracións pasadas, isto é un éxito de todos os concellos da comarca unidos, traballando en conxunto por un obxectivo común”.
O presidente da Mancomunidade quere agradecer especialmente á Secretaría de Estado de Turismo e á Axencia de Turismo de Galicia a importante inversión que están a facer na comarca, 1 millón de euros cada administración: “a Deputación, aínda que non se reflicte no convenio, tamén vai axudar ao financiamento dos 225 mil euros que deben aportar os 16 concellos da Mariña ao Plan”. Fran Cajoto destacou o traballo dos técnicos: a axente de Desenvolvemento Turístico da comarca e a Fundación Juana de Vega, que estiveron preparando toda a documentación necesaria. Tamén é un éxito de todos os que nos axudaron a explicar e expoñer a necesidade deste plan para unha comarca con tanto potencial como ten a Mariña”.
E engadiu: “quero agradecer de forma particular o grado de implicación do Secretario de Estado de Turismo, Fernando Valdés, ao que tiven o privilexio de amosarlle a Mariña na visita institucional que fixo o pasado 29 de xullo. A presenza da Mancomunidade en Lanzarote na presentación dos plans non era casualidade: creeu no noso traballo e o resultado é un éxito para A Mariña”.
O Plan de Sustentabilidade permitirá dar un impulso moi importante ao turismo da Mariña, con distintas accións. Destaca o capítulo de inversións recollidas no eixo 2 “Crecemento e mobilidade sostible” para o que se reserva a partida máis importante, de 1,5 millóns de euros. Dentro deste capítulo recóllense accións como o reforzo de infraestruturas e produtos sostibles entorno ao deporte e a natureza, creación de novos produtos en torno ao turismo gastronómico e de filosofía slow, a mellora da sinalización turística e a posta en valor e potenciación do Camiño do Mar, recoñecida pola igrexa pero pendente de que a administración autonómica cumpra o mandato do Parlamento de Galicia e a recolla dentro dos catálogos de rutas xacobeas. Xunto con outras partidas -como a reservada para promoción con máis de 300 mil euros- o montante total do plan, de 2,25 millóns de euros, permitirá crear unha oferta máis ampla e atractiva para que a Mariña se consolide como destino turístico tamén fóra da tempada de verán. “Temos que aproveitar as infraestruturas existentes, a Mariña polos recursos naturais e patrimoniais que ten é un destino atractivo os 365 días do ano. O noso obxectivo é que o plan sente as bases para que isto sexa real e en torno ao turismo se creen postos de traballo estables e non temporais. É unha auténtica oportunidade”, subliñou Fran Cajoto.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
