Ribadeo, 13 de decembro de 2021. O Concello realiza traballos de mellora, limpeza e peche perimetral de seguridade na antiga estación do tren mineiro, segundo deu a coñecer o alcalde, Fernando Suárez.
O rexedor contou que “logo dun desbroce inicial polos arredores, estamos nestes días cunha nova actuación de limpeza e de mellora do ornato e da salubridade pública, así como tamén de garantir a seguridade destas construcións que, aínda sendo ben bonitas, levan unha chea de anos nun estado de auténtica ruína. E precisamente agora, ao ir despexando a zona, pois poden provocar un perigo se a xente entra dentro. Por todo isto estamos procedendo á colocación dun peche perimetral de seguridade no edificio principal, limpando a vexetación e adecentándoo todo na medida do posible”.
Suárez Barcia lembrou que “esta superficie foi anticipada ao Concello polos seus propietarios, de acordo co disposto no Polígono Urbanístico do Plan Xeral de Ordenación Municipal. E agora, mentres buscamos posibles financiamentos para rehabilitar e darlles un uso axeitados a estes inmobles, pois queremos asegurarnos de que non supoñen perigo algún, posto que nas inmediacións queremos habilitar un aparcamento provisional de vehículo”s.
O alcalde engadiu: “por outra banda, os técnicos están estudando as alegacións recibidas pola outra bolsa de solo contigua, logo de que leve decenios en estado e abandono. Recibimos varias xustificacións de propiedade que estamos a estudar. Así, para os terreos que quede acreditado a titularidade de alguén, pois seralle esixido un compromiso de coidado e de seguridade, salubridade e ornato públicos. E para todos aqueles terreos nos que non quede demostrada unha titularidade particular, iniciaremos o proceso de inmatriculación pública en favor do Concello de Ribadeo”.
Ata a antiga estación do tren mineiro se desprazaron a concelleira de Obras, Mónica Freire, e o alcalde, Fernando Suárez.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
