Santiago de Compostela, 14 de decembro de 2021. O presidente da Xunta, Alberto Núñez Feijóo, abordou hoxe co alcalde de Riotorto, Clemente Iglesias González, o impulso aos servizos sociais coa creación dunha casa do maior e dunha residencia.
Durante o seu encontro co rexedor de Riotorto, Feijóo valorou que fosen adxudicadas as dúas solicitudes presentadas ao abeiro da Orde do 22 de marzo de 2021 para a creación de casas do maior. Deste xeito, o concello contará proximamente con 10 prazas de atención diúrna para maiores –5 en cada casa-.
No tocante á creación dunha residencia, o presidente da Xunta trasladoulle a Iglesias González o plan de investimentos da Consellería de Política Social para a construción, reforma ou ampliación de equipamentos sociais públicos municipais. Segundo lle explicou Feijóo, os concellos que resulten seleccionados e cumpran os requisitos poderán recibir un financiamento máximo de 1,2 millóns de euros para a construción dunha residencia a través da sinatura dun convenio de colaboración co Consorcio.
A maiores, na reunión tamén analizaron a nova planta de transferencia de residuos que se vai instalar no concello. Feijóo salientou que esta nova instalación, cuxa licitación podería realizarse en marzo de 2022, se integrará na nova rede de infraestruturas deseñada pola Xunta para que os concellos galegos dispoñan dunha planta de biorresiduos ou de transferencia a menos de 50 quilómetros.
No que respecta ao planeamento urbanístico, Feijóo avanzou que o Plan Básico Municipal podería aprobarse definitivamente no primeiro trimestre de 2022.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
