Burela, 14 de decembro de 2021. A Fundación Expomar organiza unha xornada sobre nutrición que se celebrará mañá pola tarde na confraría de pescadores de Burela. O alcalde burelés e presidente da Fundación Expomar, Alfredo Llano, anima a asistir a esta sesión informativa na que tamén haberá degustación de especies pesqueiras.
O rexedor considera que “é unha boa iniciativa, a través da Fundación Expomar, facer unha xornada informativa e de degustación de especies pesqueiras porque unha das razóns polas cales existe a Fundación Expomar é para a defensa a ultranza de todo o que sexa o sector náutico pesqueiro. A Fundación Expomar estar aí para promocionar, difundir, divulgar e facer todo aquilo que sexa necesario para que sexa apreciado por todo o mundo, porqué razón é importantísimo o sector pesqueiro”.
Alfredo Llano pensa que “estas xornadas veñen demostrar claramente os beneficios de todo o peixe no sistema de alimentación, tanto para os nenos, como os adultos e os maiores. Hai que ter en conta ademais a importancia grandísima que ten o sector pesqueiro no noso concello con respecto ao movemento económico e social e cultural incluso. Pero tamén hai que ter en conta que o produto que se trae do mar é natural ao cen por cen e todos os especialistas coinciden en dicir que o pescado como alimento é do mellor que pode haber. Polo tanto, queremos darlle importancia ao sector pero tamén ao produto”.
O alcalde de Burela sinalou que “esta xornada vai ser na confraría de pescadores, a partir das cinco e media. Citamos a todo o mundo que teña algún interese. Vaise falar de moitos beneficios, incluso na saúde co aporte do peixe na alimentación. Queda invitado todo o mundo que poida acudir. Vai haber uns conferenciantes e especialistas importantes e ao remate haberá debate. Queremos expoñer o produto que traen do mar os nosos pescadores e os nosos armadores ao porto de Burela, que se poxa aquí, e que se vexa que ten o sector como medio de traballo, de cultura e de sistema económico. Ademais estamos aportando moitísimo á cadea alimentaria e queremos que se saiba. O produto é fundamental e penso que nos debe preocupar a todos a alimentación, por iso o facemos”.
Na xornada abordaranse entre outras cuestións a dieta atlántica e a súa importancia na poboación xeriátrica, nutrición e ril, manexo nutricional da diabete…
Visita do Delegado do Goberno
O Delegado do Goberno en Galicia, José Miñones, visitará mañá Burela. Está previsto que a partir das 13:15 horas asine no libro de honra do Concello.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
