Cervo, 23 de decembro, 2021. No día de hoxe, xoves 23 de decembro, as negociacións entre o Comité de Empresa e Alcoa, coa representación da Xunta e o Goberno Central finalizaron. O alcance da proposta, que levará a referendo nos próximos días, é o seguinte:
. Alcoa comprométese a traballar con 8 subministradores de enerxía cos que xa está en contacto, para alcanzar acordos a medio e longo prazo (PPAs), que entrarían en vigor a partir do 2024 e terían unha vixencia a 10 anos. Accede ao seguimento destas negociacións, así como os investimentos e a evolución do acordo, a través dunha mesa na que estarían presentes o Comité (2 membros por sindicato), Xunta e Goberno, cunha frecuencia mensual os 6 primeiros meses e trimestral de aí en diante. Actualmente están iniciadas as negociacións e comprométese a compartir un preacordo asinado antes do 1/01/2022.
. En canto ao plan para os anos 2022 e 2023:
-Garantía de facturación das empresas auxiliares durante os dous primeiros anos, con contratos garantidos a 3 anos (2022 a 2024) daquelas empresas externas directamente afectadas polo cesamento temporal. Prevese que os investimentos programados e outros servizos xeren a necesidade de prestación de servizos de @dicha auxiliares. Non acceden á cláusula que garanta que estas empresas non executarán ES nin ERTES durante este período, alegando que non están dispostos a coartar a capacidade organizativa das mesmas.
-Preferencia de contratación para as empresas de subministracións e transportistas locais.
-Investimentos por orde de execución nos dous primeiros anos:
Transporte e carga, paso a gas e reconstrución de forno de cocción
para ánodo grande.- 42 M$
Transformador novo (TRG) con axustador de tensión, deseñado para
200.000A.- 6 M$
1 Forno de homoxeneizado.- 3 M$
Barras de compensación magnética a 200.000A.- 12 M$
4 mesas de coada de tochos wagstaff con tecnoloxía “ hot top”.- 5 M$
-Depósito bancario por importe dos investimentos comprometidos e custo do rearranque (103 M$) ao dispor de Aluminio Español S.L., cuxa xestión sería compartida co Comité de empresa, baixo a fiscalización das Administracións, de maneira que con carácter mensual iríanse liberando os importes xustificados dos investimentos que se fosen executando, sempre co consentimento do Comité, quedando o restante ao dispor dun terceiro en caso de incumprimento.
-Cesamento temporal con parada programada da actividade durante dous anos en Electrolisis e Eléctrodos a partir do 1/01/2022, finalizando en 3 semanas, executando o rearranque do 100% (actualmente no 85%) da actividade a partir do 1 de xaneiro de 2024, cunha estimación de 6 meses para o rearranque. Disposición de 35 M$ para o rearranque.
-Seguirá operativa a actividade en Fundición e a Planta de Alúmina, para o que facilitaron o plan comercial durante estes anos, a razón de 65.000 t/anuais de tocho e previsión de venda de 25.000 t/anuais de placa. Os compromisos cos clientes non se verían afectados. Alcoa optimizaría a refusión do aluminio primario producido durante o período de folga, así como o doutros subministradores. Acerca da balsa de lodos vermellos, Alcoa insiste en que a primeira fase do proxecto, cunha ampliación do depósito ata o 2027, está aprobada e presentada a trámite ante a Xunta. Non está aprobada nin presentada a segunda fase, co proxecto ata o 2032.
-Os traballadores afectados seguirán o seu calendario habitual. A dirección de planta indicará as tarefas para realizar, incluíndo formación, substitucións ou actividades de mantemento e limpeza de instalacións. En caso de ausencia de traballo facilitarase permiso retribuído polo período correspondente.
-A partir do 1/01/2025, derivado da formación e execución de investimentos, realizaranse as revisións daqueles postos que así o requiran.
-Estableceríanse os contratos directos a data de 01/01/2023 de todos aqueles ETTs que durante o ano 2021 tivesen un contrato de posta a disposición, seguindo o proceso de avaliación.
-Na Planta de Aluminio non se acometerán expedientes de despedimento colectivo (nin ERE nin ERTE), durante 4 anos, ata o 31/12/2025.
-Convenio con vixencia de seis anos, do 2020 ao 2025:
Incremento salarial do 2% anual, tanto en táboas como axudas, pero
sen cláusula de revisión do IPC.
Prima ao 100% en 2021.
A partir do 1/01/2022 pagarase o plus de bombeiros para todo o persoal da Brigada, tanto de Aluminio como de Alúmina.
Incorporación dos acordos das actas do contrato de substitución 5/08/2021, acordo das avaliacións de ETTs en Aluminio 10/05/2018 e acta de preacordo do XVI Convenio Colectivo de 18/12/2017.
-Levantamento da folga e paz social durante a vixencia do acordo.
. A Xunta comprométese a axilizar o proxecto da DBR presentado por Alcoa no caso de que cumpra os requisitos xurídicos e ambientais, así como facilitar a tramitación dos proxectos enerxéticos ligados ás PPAs baixo a súa competencia (proxectos enerxéticos por baixo dos 50 MW), e o apoio e axudas aos proxectos de investimento baixo a súa competencia industrial, especificamente proxectos de eficiencia enerxética e innovación para grandes empresas, a razón do 30% da contía do proxecto.
. O Goberno Central ofrece o apoio e axudas aos proxectos de investimento baixo as súas competencias industriais e enerxéticas, de maneira que se incrementaría o importe actualmente comprometido para os investimentos.
. Este incremento no importe destinado aos investimentos, a liberar do importe comprometido no depósito destinado a investimentos, estará vinculado a un plan de incremento de intensidade, así como a proxectos de mellora da produtividade, eficiencia enerxética e/ou competitividade da Planta.
Requírese que o acordo estea asinado urxentemente e non máis tarde do 29 de decembro de 2021.
O Comité de Empresa, ante esta proposta, tomará as seguintes medidas:
Realizará unha Asemblea xeral o luns 27 ás 12:00 no Hórreo, ante a previsión de máxima afluencia.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
