BURELA (FNC) .- O alcalde de Burela, Alfredo Llano, valorou de xeito moi positivo o encontro que mantivo nas últimas horas o presidente de Portos de Galicia cos responsables de Absa, da cofraría de pescadores e do propio Concello. A él plantexáronlle diversas necesidades para o porto burelés como a ampliación do espigón que separa a zona comercial da pesquera e a reanudación e conclusión das obras do acceso ao peirao.
Llano suliñou que “nós consideramos que este porto é un referente clarísimo na cornisa cantábrica e o que lle transmitimos foi esa preocupación de seguir contando coa súa axuda para que poidamos continuar no mesmo nivel. Falamos do espigón ou martelo que separa a zona comercial da pesqueira, plantexámoslle unha ampliación duns 25 ou 30 metros máis. Van consideralo, van facer un estudio porque parece ser que é unha ventaxa clara para os barcos que atraquen nesa zona. Cara outubro ou novembro si todo vai ben podería licitarse a obra”.
O rexedor explicou que “tamén abordamos outras cuestións como a área comercial do Berbés, que está enfrente de Absa, é unha zona amplísima que nós queremos activar porque está pouco explotada. Hai madeira, pero habería que tentar poñer en marcha outro tipo de industria, estivemos falando de cómo se pode encauzar e levar adiante esta proxección que lle queremos dar a esa zona. Procuraremos tanto desde Portos como desde o Concello facer a máxima publicidade das nosas intencións e realizaremos as xestións que poidamos neste sentido”.
Outro dos temas que preocupan no seo do goberno municipal é o acceso ao porto “que está paralizado, agora hai unha modificación do proxecto que estará a información pública durante dous meses e unha vez rematado este período pensamos que xa poderemos poñernos mans á obra de novo. Eso coincidirá a finais deste ano ou principios do vindeiro, é algo que canto antes se faga mellor”.
Alfredo Llano engadiu que “falamos tamén neste encontro un pouco dun convenio que temos pendente de asinar entre Portos e o Concello para facer obras na zona portuaria. Agora por exemplo estamos a traballar duramente no pozo de bombas na Edar, algo moi importante despois do que ocorreu coas riadas do mes pasado, temos que colocar bombas potentes e trituradoras para beneficiar o paso das augas pluviais e das residuais a través da Edar. Agardo que asinemos o convenio en breve porque é moi necesario para realizar todas estas obras que tanto interés teñen para Burela”.
O alcalde burelés dixo que “a conversa foi positiva, a relación institucional é estreita e o que temos en común é tentar favorecer ao máximo posible ao porto de Burela cos beneficios que eso suporá desde os puntos de vista económico e social para todo o municipio”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
