NOTA DE PRENSA:
BARREIRO INSTA ÁS ADMINITRACIÓNS A “IMPLICARSE” NA DEFENSA DO EMPREGO DA PROVINCIA DE LUGO
* O Presidente provincial do PP asegura que PSOE e BNG “perderon o tempo negando a evidencia na vez de buscar solucións e poñelas en marcha”
* Salienta que a provincia de Lugo é a que experimenta un maior incremento do desemprego tanto con respecto á media galega como estatal
Burela, a 5 de novembro de 2008.- O Presidente provincial do Partido Popular José Manuel Barreiro instou ás administracións autonómica e provincial a implicarse na defensa do emprego coa posta en marcha de medidas eficaces que permitan remontar a crise económica. Os “malísimos datos” sobre o incremento do paro do mes de outubro que foron “especialmente negativos” na provincia de Lugo, que co 8,23 por cento a sitúan por riba da media galega (7,39%) e da estatal (7,34%) “obrigan”, ó entender de Barreiro, a que as administracións “se poñan en acción” despois “de perder moito tempo negando a evidencia”.
O feito de que Lugo teña dende outubro 1.267 persoas máis no paro, o que sitúa a cifra total en 15.752 en total, “un dos peores datos dos últimos seis anos”, e que o sector primario sexa un dos máis afectados (representa un incremento do 17,7 por cento) foi outro dos aspectos nos que o presidente provincial dos populares fixo especial énfase.
“Levamos moito tempo alertando de que o sector básico da nosa económica estaba pasando por un mal momento e que había que poñer en marcha plans que pemitiran compensar esa situación e asegurar a súa supervivencia. Na Deputación, por exemplo, presentamos varias iniciativas encamiñadas a favorecer as explotacións gandeiras, tanto de carne coma de leite, e a actividade pesqueira, nun intre ademais no que moitos barcos poden acabar no desguace, pero atopámonos con que foron rexeitadas”, explicou.
“Socialistas e nacionalistas, pese as circunstancias, insisten en que Galicia está mellor preparada para afrontar a crise pero a realidade, augurada polo PP e que agora desgraciadamente principia a confirmarse, é que simplemente farase notar máis tarde pero con máis intensidade se cabe. Co agravante de que as administracións, sobre todo a Xunta, non soubo nin quixo aproveitar ese retraso para adiantarse a esta situación co desenvolvemento de políticas de emprego axeitadas”, engadiu.
Barreiro fixo este análise durante un encontro celebrado esta tarde en Burela con afiliados e simpatizantes, así coma con responsables do comité local, que preside José María González Barcia, e que se enmarca nun intenso calendario de xuntanzas encamiñadas a coñecer de primeira man a situación na que se atopan as diversas zonas da provincia e para manter un contacto directo coas bases do partido.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
