Santiago de Compostela, 21 de xaneiro, 2021. A portavoz de Facenda do BNG, Noa Presas preguntou ao goberno que medidas vai poñer en marcha para frear o desmantelamento das oficinas da AEAT en todo o territorio galego, “mentres no se avance nas competencias da Axencia Tributaria Galega”.
A nacionalista salientou a preocupación dos traballadores e traballadoras das delegacións da Axencia Estatal da Administración Tributaria que dende o ano 2000 sufriu un recorte de persoal do 43,7% coa conseguinte “perda de calidade no servizo”.
Tal e como recollemos na iniciativa, explicou a portavoz de facenda do BNG, “Galiza non ten capacidade fiscal e normativa plena, unha boa parte das actividades tributarias e dos impostos que pagan os galegos e galegas son de xestión estatal e corresponden a este organismo e a pesar de contar coa ATRIGA”. As tarefas referidas á recadación de boa parte dos impostos dos galegos e galegas depende do organismo estatal, “unha estrutura que nace nos 90, xa consolidada e referencia para calquera cidadá á hora de cumprir coas súas obrigas facendísticas”.
Trátase, polo tanto, dun servizo público que debe dar cobertura ás necesidades de información e xestión da cidadanía no ámbito tributario, que implica unha grande responsabilidade e complexidade para as persoas non expertas que conduce a que “cada vez máis galegos e galegas delegan este tipo de tarefas en xestorías”.
Acontece coa AEAT como coa banca, vanse reducindo servizos e imposibilita, xunto cunha dixitalización mal entendida e pervertida coa desculpa da covid-19, a asunción de moitas persoas de xestións menores ou puntuais que teñen que acabar delegando.
A xuízo da deputada, o desmantelamento das oficinas responde á intención do goberno de Feixóo “campión da externalización” da función pública e das empresas ao que sumou a “recentralización” en detrimento das unidades existentes no territorio galego.
Presas preguntou cal vai ser o futuro dos puntos dependentes das delegacións de Ourense, Lugo, Pontevedra e A Coruña en: Betanzos, Carballo, Cee, Ferrol, A Coruña, Ortigueira, A Coruña, Ribeira, Santiago de Compostela, Foz, Monforte, O Barco de Valdeorras, Carballiño, Celanova, Verín, A estrada, Ponteareas, Tui, e Vilagarcía de Arousa, ante a redución do seu persoal por mor dos procedementos de mobilidade convocados pola AEAT e a maior xestión telefónica e telemática.
Tras a intervención da directora da Axencia Tributaria de Galicia, ATRIGA, Vitoria González Vázquez que responsabilizou desta situación ao goberno do Estado, a deputada do BNG cualificou a resposta de “decepciónante e contraditoria” ademais de constatar como “o goberno galego non mudou a súa posición ante unha administración que agravia a Galiza no ámbito tributario”.
A súa resposta, recalcou Presas, confirma que o goberno galego non ten ningunha intención de frear o desmantelamento das oficinas e desmonta a propaganda que o PP fai da “ boa colaboración” entre a ATRIGA e AEAT.
A deputada lembrou que non foi pechado ningún posto de atención pero recalcou que “se perderon más de 170 postos de traballo que prexudicou a prestación de servizos”.
Neste sentido, propuxo ao goberno galego dirixirse ao goberno central para demandar que as administracións en Galiza da AEAT recuperen, como mínimo, os índices de traballadores e traballadoras do ano 2000 para garantir , en igualdade de condicións ao longo do territorio galego, a atención presencial ao público para o asesoramento e servizos que presta.
Por outra parte, tamén propuxo ao Partido popular “abandonar a permanente queixa e unha relación epistolar estéril co goberno do estado” e elaborar un estudo do “deterioro” da ATRIGA e das competencias que deben ser reclamadas a Galiza para o seu desenvolvemento pola axencia.
“Dende o BNG apostamos por un maior peso da Axencia Tributaria galega fronte a AEAT” e dunha “ maior autonomía fiscal ” e lamentamos que o Partido popular continúe actuando na dirección contraria, concluíu.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
