Lugo, 26 de xaneiro de 2022. Socialistas e nacionalistas, por máis previsibles que son as súas reaccións fronte ás propostas populares, teñen demostrada unha inesgotable capacidade para sorprender coas súas xustificacións para dicir non a canta iniciativa presenta a oposición. Ocorreu de novo no pleno do pasado martes; inexplicablemente, evitaron criticar as declaracións do ministro de Consumo, Alberto Garzón, nas que puxo en dúbida a calidade da carne producida en España. O portavoz popular, Javier Castiñeira, sinala: “No día de onte vivimos un feito inaudito no pleno da Deputación de Lugo: o PSOE e o BNG lucenses xustificando ao señor Garzón; si as manifestacións do ministro de Consumo do Goberno presidido por Pedro Sánchez. Garzón, por un lado, leva meses dicindo que se debe comer menos carne, o que prexudica seriamente ao sector gandeiro lucense; por outra parte, pon en dúbida a calidade da carne española, galega e lucense que se exporta a todo o mundo, co conseguinte prexuízo para o sector”.
Para Castiñeira, “é verdadeiramente vergonzoso que os dous grupos que conforman o goberno provincial non poñan un límite a este ministro, que, hai que repetilo, está prexudicando os intereses dos nosos gandeiros”. Un prexuízo, destaca o portavoz popular, que aínda ten maior incidencia “nun momento, como o actual, no que as políticas do Goberno central, as súas decisións, a súa estratexia enerxética está danando moito os intereses do sector”.
Para os populares, “non se poden xustificar de ningunha maneira esas declaracións do ministro, que danan a imaxe do noso excelente produto e nun momento no que necesitamos aumentar os prezos de venda e para elo é fundamental a imaxe”.
Castiñeira sinala: “O ministro Garzón leva moito tempo facendo declaracións en contra do sector cárnico español, e polo tanto, do galego. Cremos que o Partido Socialista e o BNG están equivocados neste sentido. Non se pode xustificar que alguén trate de mesturar a carne de excelente calidade de Galicia con outro tipo de produtos. España é un país con moitos controles e a carne pásaos todos. No PP quedamos abraiados por esa xustificación de PSOE e BNG do ministro Garzón, un ministro que vai en contra dos intereses dos gandeiros lucenses”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
