A Pastoriza, 18 de febreiro de 2022. O Grupo Municipal do Popular de A Pastoriza amosa a súa preocupación pola sentenza do Xulgado do Contencioso-Administrativo número 1 de Lugo que condena ao Concello a pagar 21.000 euros á empresa do Servizo de Axuda no Fogar. Deste xeito, os populares consideran que “estamos diante dunha irresponsabilidade do goberno local sen precedentes, xa que os grandes prexudicados foron e son os beneficiarios deste servizo que, ademais de non telo, agora ven como a entidade local actuou de xeito improcedente”.
É por este motivo, polo que dende o PP destacan que os responsables da xestión do SAF, e en consecuencia o alcalde, “deben dar explicacións, e deben facelo, engaden, por respecto aos veciños e ás familias dos usuarios que tanto precisan desta prestación”.
“Estamos a falar dun servizo que non é coma outros, debido ao trato directo que conleva cos dependentes. Non velar porque a súa xestión sexa correcta é unha falta de competencia total e absoluta por parte do Concello”. A este respecto, o Grupo Municipal do PP afea ao goberno local que “cargue tintas contra a Xunta de Galicia”, xa que o desenvolvemento do SAF depende única e exclusivamente das entidades locais.
“Cando hai algún problema, PSOE e BNG sempre intentan culpabilizar ao Goberno galego, pero o que existe neste caso é unha irresponsabilidade clara por parte de socialistas e nacionalistas”. Os populares lamentan así que “intenten buscar escusas e frivolicen con algo tan serio como é a atención aos nosos maiores”.
Datos SAF
O Concello de A Pastoriza ten 39.252 horas anuais de SAF asignadas, polas cales a Xunta estaba poñendo á súa disposición, ata o de agora, 380.744 €. A setembro de 2021, a ratio de atención é do 84%: con 89 beneficiarios atendidos e 17 pendentes de recibir o servizo. Do total de horas asignadas, 35.772 están sendo efectivamente prestadas e 3.480 están dispoñibles.
Co incremento da achega da Xunta, que se eleva a 11€/hora este ano e o vindeiro, con efectos retroactivos desde o pasado mes de xaneiro, a Xunta porá á súa disposición nas vindeiras semanas 51.028 € adicionais.
Este incremento consolidarase no ano 2022, no que a achega ao concello de A Pastoriza será de 431.772 €, un 13,4% maior que ao inicio de 2021.
Este incremento do financiamento Xunta dará maior seguridade económica aos Concellos, que poderán estender o SAF a máis fogares e incrementar o número de horas das persoas que xa dispoñen desde servizo.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
