Viveiro, 25 de febreiro de 2022. O Concello de Viveiro anuncia que xa ten elaborado o proxecto para a realización gradual do parque público Pernas Peón.
Trátase dun proxecto amplo e ambicioso, no que se contemplan varias zonas de actuación, preservando a esencia tradicional do parque, co obxectivo final de mellorar a calidade deste espazo verde. O parque conta cunha superficie total de 3 hectáreas e se vén utilizando polos veciños e veciñas como lugar de descanso e esparcemento.
As diferentes intervencións que se pretenden levar a cabo teñen como finalidade, entre outras, a apertura visual dos bordes do parque, para preservar o carácter de espazo verde alleo ás construcións e urbanizacións do entorno, así como a creación de novos usos. Tamén está previsto crear unha praza central ou a utilización da vexetación como elemento de unión entre as diferentes zonas para que os veciños e visitantes perciban o espazo como unha unidade.
Ao tratarse dun proxecto elaborado para a súa realización gradual, o goberno municipal ten intención de ir executando as obras por zonas. Ademais, o feito de contar co proxecto xa elaborado permitiría solicitar algunha subvención que puidera convocarse para este tipo de fin con fondos europeos.
O Concello de Viveiro leva tempo traballando na elaboración deste proxecto e ten intención de comezar executando as actuacións contempladas para a zona sureste do parque, na que recentemente se talaron diversas árbores por cuestións de seguridade. En concreto, en breve, procederase á retirada do mobiliario existente e á plantación de 18 árbores de diferentes especies, xa con determinado porte e grosor. Ademais, realizaranse os movementos de terra precisos e a plantación de cespede onde sexa necesario.
A primeira actuación, como se indica, foi a realización do proxecto por parte da empresa lucense Landelar – Diseño de Espacios Verdes. Dentro do orzamento municipal correspondente ao exercicio 2021 existía unha partida de 30.000 euros destinados a este parque; a existencia desta partida formaba parte do acordo para a aprobación dos orzamentos entre o goberno municipal do PSOE e o grupo Por Viveiro. Dese importe de 30.000 euros, unha parte foi dedicada á redacción do proxecto básico e de execución e outra parte será destinada á plantación referida.
O proxecto para o parque Penas Peón foi redactado para poder actuar por partes, nas cales irán árbores de nova plantación, ademais de formación de setos, plantación de arbustos e vivaces, camiños de jabre, e mesas de picnic. O goberno municipal exporá este proxecto ao público, previsiblemente no vindeiro mes de marzo, para que poida ser coñecido polos veciños e veciñas de Viveiro.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
