Lugo, 28 de febreiro de 2022. Outros 17 representantes do PP na provincia veñen de ser integrados na tres últimas comisións constituídas polo PP de Galicia. Trátase das de Medio Rural, Igualdade e Sanidade, que se suman ás de Medio Ambiente e Benestar Social creadas recentemente.
Deste xeito, a presidenta provincial, Elena Candia, xunto a Eloy Pérez Sindín (voceiro do PP en Monterroso e propietario dunha xestoría agraria), Rafael Pérez Prados (concelleiro popular en Lugo e veterinario de profesión), e os deputados autonómicos e membros da Comisión Parlamentaria desta área, Raquel Arias e Daniel Vega, veñen de ser integrados na de Medio Rural. O obxectivo, indica a presidenta, “é seguir traballando para impulsar a provincia e por en valor os recursos que ofrece o rural, profesionalizándoo e facéndoo rendible economicamente”.
A Comisión de Igualdade inclúe a outros seis lucenses: Susana López Abella (Secretaria Xeral de Igualdade da Xunta de Galicia), Rosa Arza (senadora por Lugo), Katy Varela (voceira do PP en Monforte de Lemos), Mar Carballas (concelleira en Lugo), Eugenia Vizcaíno (Coordinadora xeral de Novas Xeracións de Galicia e vicepresidenta de NNXX Lugo cidade. Membro da Xunta directiva do PP de Galicia) e Óscar Poy (deputado provincial do Partido Popular e concelleiro en Lugo).
Finalmente, na de Sanidade, integráronse: Encarna Amigo (deputada autonómica e membro da Comisión de Sanidade do Parlamento de Galicia), Isabel Castro (enfermeira xubilada do hospital de Monforte), Agustina Fernández (farmacéutica no centro de saúde de Vilalba), Fátima Rodríguez (avogada), Cristian Martín Vázquez (matrón), Sofía López Linares (médico de Atención Primaria no centro de saúde Illas Canarias de Lugo).
Lugo, representada por 25 cargos
O PPdeG continúa así, dende os distintos órganos do partido, consolidando o proxecto “que máis se parece a Galicia”. Ademais destas tres comisións indicadas, en días pasados configuraron outras dúas, as de Medio Ambiente e de Benestar Social. En todas elas, a provincia de Lugo está representada por un total de 25 cargos orgánicos lucenses.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
