Pantón, 16 de marzo de 2022. O Bono Turístico activado pola Xunta de Galicia para axudar ao sector do turismo a manter a súa actividade e mellorar as cifras de ocupación inxectou o ano pasado na provincia de Lugo 1,3 millóns de euros.
Así o explicou hoxe o delegado territorial da Administración galega, Javier Arias, no transcurso dunha visita a un dos establecementos participantes, o hotel balneario Iberik Augas Santas de Pantón, onde fixo balance da anterior edición e resaltou que xa está en marcha unha nova convocatoria, na que “agardamos unha acollida igual de boa ou mellor que a anterior”, apuntou.
O delegado destacou que a capital lucense rexistrou o maior gasto na provincia en 2021 con cargo a esta medida do Goberno autonómico. Os particulares que fixeron uso da tarxeta na cidade pagaron 401.555 euros nos establecementos adheridos.
Tamén salientou as cifras acadadas en Viveiro, onde os bonos deixaron 202.324 euros; Pantón (157.000 euros); Vilalba (86.627 euros); Ribadeo (81.836 euros); Foz (53.237 euros); Monforte de Lemos (52.275 euros); Sober (47.798 euros) ou Palas de Rei (42.005 euros).
Arias apuntou que o programa supuxo “un empuxón na reactivación económica do sector e contribuíu a atraer visitantes, especialmente na tempada baixa”. Nese sentido, destacou que a convocatoria deste ano vai enfocada a desestacionalizar a actividade turística, polo que non se poderán empregar as tarxetas durante os meses de verán -entre o 1 de xullo e o 15 de setembro-.
Prazos de inscrición
O delegado destacou que xa está aberto o prazo de inscrición para as empresas interesadas en sumarse á iniciativa, mentres que os particulares que desexen solicitar as tarxetas poderán facelo desde as 00.00 horas do 21 de marzo, a través da sede electrónica da Xunta.
Nesta nova edición, o Goberno galego asumirá o 40% do custe dos servizos consumidos e os usuarios o 60% restante segundo o importe escollido. Ao igual que o ano pasado haberá tres tipos de bonos: un de 250 euros -100€ pagados pola Xunta e 150€ polos beneficiarios-; outro de 375 euros -150€ achegados polo Goberno galego e 225€ polos particulares- e o terceiro de 500 euros -200€ pola Xunta e 300 polos consumidores-. A data límite para o seu uso será o 31 de decembro de 2021 -coa excepción da tempada de verán- .
No tocante ao tipo de establecementos que poden inscribirse, a medida vai dirixida ás as empresas que dispoñan de aloxamento -excepto vivendas de uso turístico- e as axencias de viaxe que desenvolvan a súa actividade en Galicia.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
