LUGO .- O vicepresidente da Deputación de Lugo, o nacionalista Antón Bao, afirmou no transcurso da rolda de prensa posterior á xunta de goberno que “este goberno da Deputación de Lugo é o máis democrático e xusto dos que houbo con todos os concellos, xa que todos os alcaldes percibiron o cambio”.
Nota de Prensa
ANTÓN BAO AFIRMA QUE “O PP DESPOIS DE 3 ANOS AÍNDA NON ACEPTA QUE OUTRAS FORZAS POLÍTICAS GOBERNEN AGORA CON EFICACIA DEPUTACIÓN”
O vicepresidente da Deputación asegurou que “este goberno da Deputación é o máis democrático e xusto dos que houbo con todos os concellos, xa que todos os alcaldes percibiron o cambio”
A Área de Deportes da Deputación recibiu 114 solicitudes de axudas para deportistas individuais
LUGO, 16 de xullo de 2010. O vicepresidente da Deputación de Lugo, o nacionalista Antón Bao, afirmou hoxe no transcurso da rolda de prensa posterior á Xunta de Goberno, fóra dos asuntos tratados e en resposta ás declaracións efectuadas aos medios de comunicación polo presidente do PP provincial, que “este goberno da Deputación de Lugo é o máis democrático e xusto dos que houbo con todos os concellos, xa que todos os alcaldes percibiron o cambio”.
Para Antón Bao, das declaracións feitas polo portavoz do grupo provincial do PP despréndese “moi claramente como o PP despois de 3 anos aínda non acepta que outras forzas políticas gobernen a Deputación”, e menos aínda, afirmou Bao, “do xeito tan plural e equilibrado con todos os concellos”. Bao asegurou que “deste cambio na maneira de gobernar, no cambio do trato con todos os concellos e gobernos municipais, son conscientes todos os alcaldes, porque agora non se fan distincións pola cor política dos mesmos”. Antón Bao ademais, lembrou que “nunca antes se puxeran en marcha liñas de axudas ás que todos os concellos se poden acoller en igualdade de condicións para a realización de actividades culturais ou deportivas, así como para a mellora e equipamento de instalacións”.
O vicepresidente da Deputación lembrou con cifras os importantísimos investimentos que se teñen realizado desde a Área de Cultura e Deportes da Deputación, como os 12 millóns de euros no mantemento, mellora e construción de instalacións deportivas, ou 11 millóns para colaborar co tecido asociativo cultural e deportivo, e foi contundente ao afirmar “e senón que se lle pregunte a todas estas asociacións e clubs que ven agora como as súas solicitudes son atendidas”.
Tamén fóra dos asuntos da Xunta de Goberno, Antón Bao informou de que, unha vez rematado o prazo de recepción de solicitudes para axudas de deportistas individuais, chegaron a contabilizarse 114 solicitudes das 3 liñas abertas para esta convocatoria por parte de deportistas practicantes de máis de 20 modalidades diferentes. Antón Bao explicou que é a segunda convocatoria que se realiza destas bolsas para deportistas individuais e que a partida orzamentaria destinada a esta finalidade aumentouse con respecto á convocatoria anterior, pasando de 50.000 aos 60.000 euros actuais. O alto número de solicitudes é para Antón Bao, segundo expresou, “un motivo de satisfacción porque vemos que damos cumprimento a unha demanda dos deportistas lucenses, que non se poden acoller a outra liña de axudas para deportes colectivos, e serve para expresar a vitalidade da que goza o deporte lucense.
Dentro dos asuntos tratados na Xunta de Goberno, o vicepresidente da Deputación, Antón Bao, deu conta da ampliación do prazo de execución e xustificación das obras de ampliación e rehabilitación do pavillón polideportivo municipal de Riotorto até os vindeiros meses de setembro e outubro, unha obra encadrada dentro do plan de mellora das instalacións deportivas de Lugo e que ten un orzamento superior aos 300.000 euros.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
