Ourol, 31 de marzo de 2022. A unidade móbil de coidados sociosanitarios posta en marcha pola Xunta no marco da campaña Porta a porta visitará ata finais do mes de maio todos os municipios da Mariña para ofrecer gratuitamente os seus servizos ás persoas maiores de 55 anos.
O programa fixo a súa primeira parada na provincia no municipio de Ourol, onde hoxe estivo o delegado territorial do Goberno galego, Javier Arias, quen explicou que o autobús seguirá ata mañá no parque local para atender ás persoas interesadas con cita previa. Onte foi a primeira xornada, na que os profesionais das diferentes especialidades recibiron a 17 usuarios.
Os servizos ofertados son revisións e valoracións auditivas; atención podolóxica para previr, diagnosticar e tratar as principais patoloxías dos pés; así como probas de valoración cognitiva e exercicios de estimulación para previr o alzhéimer e outras demencias neurodexenerativas.
A continuación o autobús achegarase a Xove (do 4 ao 6 de abril); O Valadouro (días 7 e 8); O Vicedo (do 11 ao 13); Alfoz (18 a 20 de abril); Mondoñedo (21 e 22 de abril); Viveiro (25 a 27 de abril); Burela (28 e 29 de abril e 2 e 3 de maio); Cervo (29 de abril e 2 e 3 de maio); Foz (do 4 ao 6 de maio); Lourenzá (do 4 ao 6 de maio e tamén o día 9); Barreiros (do 9 ao 12 de maio); Ribadeo (do 10 ao 12 de maio); Trabada (13, 16, 18 e 19 de maio) e A Pontenova (20, 23 e 24 de maio). Ao longo do ano está previsto que volva en máis ocasións á Mariña.
No mesmo período tamén estará noutros tres concellos da provincia: Muras (25 ao 28 de abril); Riotorto (13, 16 e 18 de maio) e A Pastoriza (19, 20, 23 e 24 de maio).
Arias destacou que as unidades móbiles desprazaranse a todos os municipios galegos -agás as sete grandes cidades- e permanecerán entre dous e catro días en cada un, para achegar coidados especializados ás persoas maiores sen que teñan que facer desprazamentos. Para solicitar cita previa ou pedir información está dispoñible o número de teléfono 622.748.283 e o enderezo de correo electrónico coidadosportaaporta.politicasocial@xunta.gal.
A Xunta investirá 10 millóns de euros nesta iniciativa entre 2022 e 2023. O servizo está xestionado pola entidade social Afalu e para prestalo haberá oito unidades móbiles percorrendo a Comunidade.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
