Lugo, 31 de marzo de 2022. O Colexio ‘Divina Pastora’ e o IES Ribadeo ‘Dionisio Gamallo’ foron seleccionados como gañadores de Lugo no 38 Concurso Escolar do Grupo Social ONCE que, nesta ocasión, convidou aos docentes e estudantes a realizar distintos traballos pola inclusión e a igualdade dentro da súa contorna máis próxima nos ámbitos do lecer, a educación, o emprego ou a accesibilidade universal.
Nesta edición participaron 480 escolares de 8 centros educativos de Lugo, coa coordinación de 10 profesionais da educación.
Baixo o lema “O camiño que nos fai iguais”, este histórico programa de sensibilización educativa pretende impulsar o traballo nos valores de inclusión e igualdade desde a etapa educativa, cunha proposta pedagóxicamente actual e atractiva, baseada na LOMLOE.
Para iso o concurso contou con multitude de recursos e material didáctico para que familias, docentes e alumnado comprendan mellor a temática deste ano.
No 38 Concurso Escolar do Grupo Social ONCE participaron un total de 151.381 estudantes e 2.320 docentes de 1.865 centros educativos públicos, concertados e privados do noso país, desde Primaria ata Bacharelato, ademais de Educación Especial e Formación Profesional.
A participación dos estudantes e docentes realizouse por aulas completas (un traballo-unha aula). Os de Primaria e Educación Especial (Categorías A, B e E) tiveron que facer un cartel que reivindique as pautas para fomentar a inclusión e a igualdade dentro da súa contorna.
Pola súa banda, os de Secundaria, Bacharelato e FP (categorías C e D) deseñaron unha peza audiovisual de 60 segundos como máximo na que transmitan ideas de como fomentar a inclusión e a igualdade no lecer, a educación, o emprego ou a accesibilidade universal.
Os traballos seleccionados polo xurado de Lugo para cada unha das categorías foron:
CATEGORÍA A: 3º e 4º de Primaria
Colexio: Colexio Divina Pastora
Curso: 4º B
Profesor/a: Paula Opazo
CATEGORÍA B: 5º e 6º de Primaria
Colexio: Colexio Divina Pastora
Curso: 6º A Profesor/a:
Paula Opazo
CATEGORÍA C: ESO e FP Básica
Colexio: Ribadeo ‘Dionisio Gamallo’
Curso: 2º Iso A Profesor/a:
Sofía Acebedo
O xurado de Lugo valorou de forma especial a creatividade, a calidade, a mensaxe e a accesibilidade dos traballos presentados. Estivo composto pola directora da Axencia da ONCE en Lugo, Mª Eva Lorente; o conselleiro territorial da ONCE en Galicia, Francisco Javier Farnés; a profesora, Eva Mª Lage; e o profesor da ONCE, José Luis Baña.
Os escolares gañadores pasarán á seguinte fase, a autonómica, cuxa resolución se coñecerá no mes de abril. Os estudantes e docentes que gañen esta edición a nivel nacional, na súa respectiva categoría, recibirán unha tablet co obxectivo de poder seguir creando ideas pola inclusión e a igualdade.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
