Barreiros, 12 de abril de 2022. A estas alturas do ano, os concellos con costa preparan as infraestruturas para acoller nos meses de verán aos visitantes, que son unha das principais forzas impulsoras da economía local. No municipio de Barreiros, segundo sinala o portavoz do PP, José Manuel Gómez Puente, “o goberno local non parece ter especial preocupación por estas cuestións”. Considera que unha boa mostra do que di e que “a praia de San Bartolo de San Cosme de Barreiros segue, despois de máis dun ano, sen estar accesible”.
Gómez Puente lembra que “hai máis dun ano, concretamente dende o 3 de xaneiro do 2021, que foron valados os seus accesos a causa dun derrube de terra e pedras e a praia segue sen estar accesible”. O portavoz popular explica: “ A praia de San Bartolo, ten tres accesos e a día de hoxe dous están valados e o central ten un valo tirado no chan, de maneira que quen baixa polas escaleiras non pode chegar ao areal porque faltan tres banzos. Pode haber risco de accidentes”, advirte.
O Grupo Municipal Popular insta, polo tanto, ao equipo de goberno do Concello de Barreiros, e máis en concreto á alcaldesa, Ana Ermida, a xestionar cos responsables de Costas a rehabilitación dos accesos a praia de San Bartolo. Entende que “pasados 15 meses de producirse o derrube, o problema tería que estar solucionado e, polo tanto, a praia tería que estar accesible xa para esta Semana Santa. Non foi así, e agora o obxectivo ten que ser que estea accesible para o verán”.
Gómez Puente destaca a importancia que ten para o Concello de Barreiros que os seus areais estean nas mellores condicións, dada a importancia que ten o sector turístico para a economía do municipio.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
