Ribadeo, 19 de abril de 2022. RIBADEO SUMA continua a súa andanza, logo das formacións realizadas no Ribadeo Suma + Emprego nas que se cubriron todas as prazas dispoñibles. O Concello, desde a Área de Desenvolvemento Local, quere continuar co programa Ribadeo Suma Empresas & Emprendemento co fin de mellorar as competencias das empresas e das persoas emprendedoras, a través de formacións dinámicas e eminentemente prácticas e que abordarán temáticas para pór a súas ideas en acción, promover a reflexión para o cambio e outras actividades que lles axudarán a consolidar o seus negocios.
Pablo Vizoso subliña que “todas estas formacións preparadas teñen unha parte presencial e cada unha delas irá acompañada de mentorías que asesorarán de forma personalizada e individualizada ás persoas participantes e que se realizarán cando remate cada unha desas formacións presenciais. A previsión que se manexa é rematar o programa antes da tempada de verán”.
O edil de Desenvolvemento Local explica que “as capacitacións terán lugar en maio, os días 2 e 9 de 11 a 13 horas. A primeira, baixo o lema Dalle unha volta ao teu negocio, está dirixida a pequenas empresas, profesionais que desexen explorar outras vías de negocio, ou darlle outro enfoque ou simplemente diversificar a súa actividade. Neste obradoiro práctico coñeceranse iniciativas que xa están en funcionamento e as persoas participantes comezarán a crear as súas propias propostas de produtos ou servizos innovadores que lles axuden a medrar na súa empresa. A formación será impartida na Casa do Viejo Pancho”.
Vizoso Galdo seguiu a relatar que “os días 3 e 10 de maio, de 10.30 a 13.30 horas tamén na Casa do Viejo Pancho, desenvolverase a formación Pon o teu negocio en pé, dirixida a aquelas persoas que desexen coñecer novas ideas de negocio ou aquelas que xa teñen unha idea e desexan explorar as posibilidades reais que teñen de materializarse. Nesta formación cada participante fará a súa folla de ruta particularizada para poder dar os primeiros pasos na creación da súa empresa ou da súa actividade”.
E engadiu que “a terceira formación deste paquete chegará os días 23 e 30 de maio de 16:00 a 19:00 horas na Aula CeMIT coa acción Habilidades básicas para a xestión administrativa e financeira na que se abordarán coñecementos clave para ter o control do negocio en aspectos como impostos, gastos frecuentes ou periódicos e tamén se aprenderán a manexar ferramentas tecnolóxicas que axuden na xestión do día a día dunha empresa. Todas estas accións inclúen mentorías e asesoramentos personalizados e adaptados ás necesidades individuais nas diferentes áreas abordadas e pretenden facilitar e mellorar as competencias e as habilidades das persoas participantes”.
Pablo Vizoso, o concelleiro de Desenvolvemento Local, anima “a participar ás empresas, profesionais, persoas autónomas así como ás persoas emprendedoras nestas formacións que teñen un carácter principalmente práctico e que pretenden incidir na mellora dos negocios presentes e futuros dos participantes”. E incide tamén en que “as persoas emprendedoras poden aproveitar o curso de Pon o teu negocio en pé para debullar unha idea e presentarse no próximo proceso da concesión dos postos da Praza de Abastos de Ribadeo”.
Ademais destas formacións e igual que se vén facendo outros anos, durante o mes de maio iniciarase tamén o Curso preparatorio para os exames de Competencias Clave nivel 2.
As persoas interesadas para inscribirse en calquera destas formacións poden chamar ao Concello ao 982 128 650 ou enviar un correo electrónico a adl@ribadeo.org
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
