Ribadeo, 28 de abril de 2022. O mercado semanal dos mércores seguirá a celebrarse no aparcadoiro municipal. Así o decidiron os vendedores e vendedoras na consulta realizada polo Concello de Ribadeo. O edil de Desenvolvemento Local e Comercio, Pablo Vizoso, anuncia que agora se dará entrada a aqueles postos que estaban en lista de espera aumentando así a oferta de produtos e que o seu departamento organizará actividades de dinamización.
O concelleiro ribadense manifestou que “dende hai un tempo observábamos e recibíamos no Concello opinións cruzadas e variadas sobre cal debería ser a ubicación do mercado semanal dos mércores: ou aparcadoiro municipal, habilitado para acoller os postos de venta e visitantes como consecuencia das restricións derivadas do coronavirus, ou ben a zona da praza de abastos, afectada polo límite de espazo e pola imposibilidade de ampliación dadas as condicións urbanísticas do entorno”.
Vizoso Galdo contou que “esta situación levounos a realizar unha consulta entre os titulares dos postos para que se pronunciasen formalmente escollendo unha das opcións posibles. Agora que xa coñecemos os resultados a cuestión queda clarificada, xa que os participantes votaron maioritariamente a favor de permanecer na ubicación actual, é dicir na zona do aparcadoiro municipal situado entre a Avenida de Galiza e a rúa Ramón González”. Do total dos votos emitidos o 65% amosou a súa preferencia por manterse na localización actual.
O edil de Desenvolvemento Local e Comercio dixo que “tendo en conta este resultado, dende o Concello de Ribadeo imos promover e iniciar varias accións como darlle entrada a aqueles postos que o están solicitando e que ata o de agora se atopaban en espera, dado que por mor da pandemia houbo que suspender a ampliación do mercado. Deste xeito incrementarase o número de vendedores e a diversidade e oferta de produtos”.
Pablo Vizoso subliñou que “tamén se vai verificar que os postos actuais ocupen a superficie que teñen autorizada e facilitarase a incorporación de novos postos, xa que nesta ubicación existe máis espazo dispoñible do que había na praza. Ademais reforzarase a sinalización da súa ubicación para favorecer o acceso dende as diferentes entradas da vila e poñeranse en marcha actividades de dinamización”.
O concelleiro engadiu: “hai que sinalar que esta ubicación, no aparcadoiro municipal, segue estando nunha zona céntrica e urbana, xa que si se accede pola rúa Ramón González tan só se atopa a uns 100 metros de onde estaba antes da pandemia e pola Avenida de Galiza a pouco máis de 200 metros”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
