A proba conta con cinco treitos cronometrados en Muras, Ourol, Cervo, Xove e O Vicedo, que se disputarán o sábado
Muras, 10 de maio de 2022. Esta tarde presentouse en Muras a cuarta edición do Rally da Mariña Lucense, que se disputará o vindeiro sábado nos concellos de Muras, Ourol, Cervo, Xove, O Vicedo e Viveiro,onde se situarán o parque de reagrupamento (na zona do Grallal, Covas) e o parque de asistencias (Lavandeiras, Celeiro).
A Vicepresidencia da Deputación de Lugo achega 24.000 euros para a organización da proba, a terceira no calendario do Campionato Galego de Rally de Asfalto, que conta con 88 equipos inscritos, a mellor cifra de participación das edicións celebradas, incrementando notablemente a da pasada edición -na que se anotaran 67 equipos-.
Entre os participantes figuran 14 equipos da Mariña e Ortegal, tres deles debutantes nunha proba desta categoría. Ademais da representación local, destacan nomes como o de Víctor Senra, Alberto Meira ou Alberto Nimo, os tres primeiros clasificados do Campionato Galego despois de disputárense dúas probas.
Na presentación, o deputado de Deportes, Efrén Castro, saudou o crecemento “do Rally da Mariña polo que apostamos desde o inicio da lexislatura desde a Vicepresidencia da Deputación pensando en cubrir un oco que ata daquela estaba baleiro, dando a oportunidade de competir na casa aos equipos da comarca”.
Nesa liña, Efrén Castro destacou “que “o feito de que a proba forme parte do calendario galego é un aliciente para que se acheguen ata a comarca afeccionados e afeccionadas ao rally de toda Galiza, para desfrutar do espectáculo deportivo e tamén dos recursos patrimoniais e naturais de todos os concellos implicados neste evento”.
O responsable provincial enmarcou o apoio ao Rally da Mariña nas iniciativas que se desenvolven desde a Vicepresidencia para a promoción do automobilismo, con achegas económicas as principais probas, bolsas para pilotos e o Volante Deputación, dirixido á formación.
Ao acto de presentación, que se celebrou na área recreativa da Veiga, en Muras, participaron tamèn o presidente da escudería organizadora da proba MixRallySports, Ignacio Dávila, a directora técnica da carreira, Maite Vilanova, o alcalde de Muras, Manuel Requeijo, o concelleiro de Deportes de Muras, Mario Rouco, e o tenente alcalde de Viveiro, Suso Fernández, así como algúns dos pilotos que competirán na proba.
O Rally da Mariña Lucense decidirase nun total de 106,80 quilómetros cronometrados, en cinco treitos por estradas asfaltadas pechadas ao tráfico, que se disputarán o sábado, cos seguintes percorridos:
Ourol
A diferenza do ano pasado, este treito trascorre integramente por Ourol. Sae de Xerdíz, á altura da Igrexa de Santa María de Xerdíz, e conclúe en Ucheiras, tras pasar por Souto Chao, Os Currás, A Revolta, Vilachá, A Carballeira, As Rabiñas, O Cochón e As Fragas.
Muras
Arranca desde o centro mesmo de Muras, e fai un percorrido moi similar ao do ano pasado, pasando por A Picheira,O Coto, Rego da Parede e A Abidueira, para rematar en A Armada
O Vicedo
É un dos dous treitos históricos do rallye, mantendo o mesmo trazado desde a primeira edición. Comeza na Avenida Deputación e pasa por A Poceira, Crecide, A Pena e A Palloza, rematando no Folgueiro.
Cervo
O punto de saída do treito estará diante da fábrica de Sargadelos. Os coches pasarán por As Fábricas, A Igrexa e Gondrás, par acabar no Castelo.
Xove
Arranca en Camiño Real, diante do Concello, e pasa por Os Cainzos, O Rego, Os Carballás, Laguela, Aceveda, Camba, Fontaelo,Toimil e Xuances, para acabar no Monte do Golán, baixando cara Area.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
