Ribadeo, 11 de maio de 2022. O Concello acometerá a mellora e o acondicionamento exterior da Escola Municipal de Ove. Será con fondos propios e cunha subvención de 9.800 euros procedente de Turismo de Galicia.
O concelleiro de Medio Rural, Marcos Villamil, contou que “acabamos de ser merecedores dunha pequena axuda das convocadas por Turismo de Galicia para actuacións de mellora paisaxística e de embelecemento de bens e recursos que se atopen no Camiño de Santiago”.
Villamil explicou que “aproveitando esta Orde de axudas, e xa que está a carón do Camiño Norte de Santiago, desde o Concello propuxemos a mellora e o acondicionamento exterior da Escola Municipal de Ove”.
O concelleiro de Medio Rural subliñou que “agora coa confirmación desta axuda que se cifra en 9.800 euros e asumindo o Concello o resto, executaremos as obras de pintado do exterior da Escola, repararemos a súa carpintería exterior e repasaremos as fachadas e as baixantes. É dicir melloraremos a estética e a conservación deste inmoble que está ao pé do Camiño de Santiago para que siga sendo funcional e usado por todos os veciños e veciñas da parroquia”.
Marcos Villamil engadiu que “temos que sinalar tamén que esta é unha máis das accións que desde o Concello de Ribadeo estamos a levar adiante, tanto con fondos municipais como aproveitando a colaboración con outras administracións, neste caso, coa autonómica”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
