Ribadeo, 23 de maio de 2022. Xa se coñecen os gañadores do XV Ribadeo de Tapeo, que concluíu na xornada de onte. O primeiro premio do xurado foi para o Chámalle Estopa, o segundo para o Bar Queimada e o terceiro para El Oviedo. O premio para a tapa de Ribadeo foi para O Alén.
O concelleiro de Desenvolvemento Local, Pablo Vizoso, sinalou que “onte rematou a XV edición do Ribadeo de Tapeo, o concurso gastronómico pioneiro en Galicia e, precisamente, na última xornada estivemos acompañados polo xurado profesional que despois de probar as tapas participantes decidiron outorgar os premios segundo o seu criterio profesional aos seguintes establecementos: o terceiro premio foi para a tapa de El Oviedo, o segundo premio para a do Bar Queimada e o primeiro premio foi para a do Chámalle Estopa por buscar a esencia da nosa raíz. O xurado profesional, que estivo a percorrer os locais participantes ao longo dos últimos días, decidiu concederlle a Tapa de Ribadeo ao Alén, e os seus membros fixeron unha mención especial para a do Bar Queimada pola súa pureza”.
O edil ribadense dixo que “deste xeito conclúe esta edición do Ribadeo de Tapeo, organizada polo Concello de Ribadeo, que compartiu tempo e escenario con iniciativas como as Letras do Campo ou o Renacer do Cantil e que xirou arredor de concertos, presentacións, actividades lúdicas como a Gastro-Oca ou o Caldo de Gloria para colaborar coa comisión de festas; unha programación que conseguiu atraer a numerosos visitantes e que propiciou que as rúas e os establecementos de Ribadeo rexistrasen unha gran afluencia de público e de actividade”.
Vizoso Galdo engadiu que “agora quedan por coñecerse os establecementos premiados polo público, de xeito que nos vindeiros días seguiremos dando información en máis detalle e seguimos adiante co resto de programación turística, comercial e cultural para as próximas semanas”.
O concelleiro de Desenvolvemento Local e Turismo tivo palabras de agradecemento para os participantes no XV Ribadeo de Tapeo: “aproveito este momento para agradecer a participación e a dedicación de tódolos participantes e tamén a colaboración de tódalas persoas que fixeron posible esta programación de actividades”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
