O Vicedo, 2 de xuño, 2022. Este xoves 2 de xuño ás 13h presentouse na Casa da Cultura do Vicedo e na praia de San Román a V Romaxe Viquinga que se celebrará os vindeiros 29 e 30 de xullo de 2022 coa praia de Area Grande (San Román) como principal escenario.
Compareceron neste acto de presentación o excelentísimo alcalde do Vicedo D. José Jesús Novo Martínez acompañado do delegado territorial en Lugo da Xunta de Galicia D. Javier Arias Fouz e dos artistas Enrique Domínguez e Andrea Pousa (Queiman & Pousa), quen levaron a parte artística en anteriores edicións.
O máximo responsable do equipo de goberno vicedense indicou que a Romaxe deste ano “está deseñada para chegar á maior xente posible”, comezando polo cartel promocional creado polo ilustrador ortegano Cristian F. Caruncho e a presentación na cidade de Lugo, acto xa habitual.
O rexidor tamén avanzou as partes dun programa “moi completo e optimizado, xa que o tempo dá para o que dá” que contará cun gran torneo medieval con especialistas a cabalo, espectáculos de lume, enterramento e voda viquinga. Como especial novidade este ano, xa de si completo, hai que destacar a participación de Marionetas Trécola, que presentarán unha obra de teatro viquinga, posiblemente a primeira que exista en Galicia. O evento está organizado de maneira que haxa actividades ao longo de todo o día e a noite, de maneira que adultos e nenos e nenas poidan atopar sempre algunha actividade do seu interese.
Quixo por último o alcalde do Vicedo agradecer ao delegado territorial da Xunta en Lugo, D. Javier Arias Fouz a colaboración da Xunta con este evento, poñendo a disposición da organización a presentación do evento en Lugo.
Pola súa parte, o delegado territorial da Xunta en Lugo, Javier Arias, subliñou o impulso que infunde este evento ao desenvolvemento turístico do municipio pese á súa corta traxectoria.
Neste sentido, o delegado lembrou que as campañas da Xunta Camiña a Galicia e Galicia Destino Seguro “axudaron xa o pasado ano a atraer turismo, e confiamos en seguir mellorando as cifras de visitantes grazas a una oferta baseada no patrimonio natural e cultural, con destinos non masificados e propostas diferenciadas como esta romaxe”.
Rematou a presentación coa espectacular proxección do video oficial da Romaxe Vïquinga 2019 e do trailer da curtametraxe Jakobsland (inspirada precisamente nesta romaxe e na chegada dos viquingos ao Vicedo)
Previamente tivo lugar o acto de presentación para os alumnos e alumnas do CEIP do Vicedo que participaron no Concurso de Debuxo Infantil Romaxe Viquinga. Establecéronse 2 categorías (de primeiro a terceiro de Primaria e de cuarto a sexto de primaria). Os dous primeiros clasificados de cada categoría levaron un lote de libros como premio ao seu traballo e todos os nenos e nenas do colexio levaron material escolar como agasallo e para premiar o seu labor. Amenizaron a presentación e actuaron na mesma os membros de Trécola producións, que presentaron varias das personaxes da obra “A saga de Flinn Havadr”, que representarán na Romaxe Viquinga.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
