Palas de Rei, 4 de xuño de 2022. O alcalde de Palas de Rei, Pablo Taboada, participou este venres nunha xuntanza coa secretaria xeral dos populares galegos, Paula Prado, e outros representantes políticos dalgúns dos municipios afectados -en total son 23 os prexudicados- pola decisión do Goberno central de deixar a máis de 136.000 galegos sen parada de autobús como recolle o novo mapa concesional das liñas de autobús estatais.
Pablo Taboada incidiu en que se trata dunha decisión “nefasta” por parte do Goberno central, cualificándoa como outra mostra da súa falta de implicación e “menosprezo absoluto” aos concellos do rural, que precisan “dun transporte público século no que estamos e non volver a tempos pasados”.
Nese senso, lamentou as complicacións que esta situación provoca nos máis os novos, que se atopan con serias dificultades para asistir aos seus centros de estudos. Igualmente, non esqueceu a perda da conexión co aeroporto de Santiago, ademais de facer fincapé nos problemas que esta desconexión supón para dar servizo ao turismo e aos centos de peregrinos que percorren os municipios nas rutas xacobeas.
Os populares cuestionan a actitude de Sánchez, que afonda no abandono do rural, eliminando paradas, suprimindo tráficos internos dentro da Comunidade e promovendo transbordos nas viaxes de longa distancia.
Ademais, ao mapa concesional súmase á Lei de Mobilidade que impulsa o Executivo central e que supón suprimir os trens rexionais galegos. Deste modo, é unha evidencia que o Goberno prima a planificación urbana e metropolitana, e a rendibilidade económica da mobilidade, condenando así ao rural a unha perda radical de servizos e de conectividade en transporte público.
Igualmente, afearon que nunha cuestión que se basea en conectar a vida das persoas e que canto máis precisamos a vertebración territorial, o Goberno de Sánchez opte por desconectar a Galicia, por poñer a marcha atrás e que borre do mapa 23 paradas claves para os galegos.
Iniciativas no Parlamento e nos Concellos
Para que a desconexión que pretende levar a cabo Pedro Sánchez non sexa unha realidade, o PPdeG presentará unha Proposición non de Lei no Parlamento e mocións nos diferentes concellos instando ao Goberno central e ao PSdeG a reverter o agravio que supón para a Galicia rural.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
