Burela, 4 de xuño, 2022. O Pescados Rubén Burela, perde contra o Xaén Paraíso Interior 1-6 na xornada 30ª de primeira División RFEF. Os laranxas despídense de primeira división acumulando outra derrota contra un rival que se xogaba todo para entrar en postos de play off.
Notábase a tensión nesta última xornada de liga no partido, debido a que o Xaén sabía que tiña que saír a xogar e saíu a por todas. A pesar de que as primeiras chegadas foron do Burela, o Xaén ía adiantar no minuto 5 cun golazo de Carlitos, e dous minutos despois o mesmo, puido poñer o 2-0 cun disparo ao traveseiro.
Non ían tardar moito en aumentar a súa renda, porque no minuto 9 Petry anotaba o gol despois dunha gran xogada que os visitantes tanto estaban a buscar. A intensidade do Xaén non ía diluír, pois no minuto 12 seguían aumentando a súa vantaxe con gol de Alan Brandi, poñendo o 0-3 a un Burela que non estaba firme en defensa. O partido na última fase da primeira parte ía baixar revolucións, pero aínda así o Xaén ía anotar outra vez con Carlitos para irse ao descanso con vantaxe de 0-4.
A segunda parte comezaba cun Burela que parecía máis firme na pista, tendo a iniciativa e manexando o balón. A punto estivo de recortar distancias cun poderoso disparo de Wanderson.
Con todo este papel ía durar pouco, e pronto ía volver a dominar sobre a pista o Xaén o encontro, impoñendo o seu desexo de levar os tres puntos. Ían anotar dous goles simultáneos, un no minuto 27 por mediación de Dani Martín tras un malentendido na defensa laranxa, e a continuación un minuto despois o meta rival Henrique, anotada cun disparo que se envenenó o 0-6.
Na recta final do encontro, os laranxas despregaron todo o seu ataque para reducir distancias. Primeiro Rikelme avisaba cun disparo ao traveseiro de falta. Posteriormente no min 33 ía chegar o gol de Nito, despois de recibir a pracer unha asistencia maxistral de Isma.
Non obstante o dominio e a vantaxe dos visitantes era moi grande, e o partido finalizaría definitivamente co resultado de 1 a 6.
Ficha técnica
Jaen Paraíso Interior: Antonio Pérez, Attos, Alan Brandi , Míchel, Henrique-Cinco Inicial- , Carlitos, Mauricio, Aicardo, Dani Martín, Bruno Petry, Felipe Mancha e César.
Pescados Rubén Burela: Bruno, Lucho, Renato, David Pazos, Wanderson –cinco inicial- Isma, Iago Míguez, Pitero, Quintela, Nito, Rikelme e Kaluza.
Goles: Min 5 Carlitos 0-1; Min 9 Petry 0-2; Min 12 Alan Brandi 0-3; Min 18 Carlitos 0-4; Min 24 Dani Martín 0-5; Min 28 Henrique 0-6. Min 33 Nito 6-1;
Árbitros: GARCÍA-DOAS SALVADOR SIMON BENET OTERO MIRA DOVAL RODRÍGUEZ. Amarela a Michel.
Incidencias: Partido correspondente á xornada 30ª de Primeira División RFEF. Disputado no Pavillón Vista Alegre.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
