No PP lamentan que o goberno local, presidido pola socialista María Loureiro, deixara chegar a o estado actual o deterioro dos edificios
Viveiro, 05 de xuño de 2022. Unha das obrigas dos gobernos, sexa cal sexa o seu ámbito, é a de manter en boas condicións o patrimonio do que son responsables. No caso de Viveiro, o goberno presidido pola socialista María Loureiro, xa ten demostrada a súa incapacidade para acometer con éxito tal tarefa. O lamentable estado no que se atopa a antiga escola de Covas é un exemplo da desidia de Loureiro e do seu equipo para a conservación do patrimonio municipal. O portavoz dos populares de Viveiro, Óscar Rodríguez, anuncia que o seu grupo “levará unha iniciativa ao próximo pleno para que o equipo de goberno do Concello, presidido pola socialista María Loureiro, adopte as decisións necesarias para rehabilitar o edificio da antiga escola de Covas, que é un edificio que contemplou moita da vida social desta parroquia de Viveiro e que nestes momentos está en estado deplorable”. Esta é unha iniciativa que responde ás demandas dos veciños expresadas aos membros do grupo popular.
Rodríguez explica: “En Covas, as asociacións disfrutaban do edificio da vella escola para o seu día a día. Dende hai tempo, só está operativa unha parte dun dos dous edificios; o resto está en estado lamentable. A súa contorna ten tamén moi mal aspecto, porque está sen desbrozar e o acceso á primeira planta está en condicións pouco dignas”.
Os concelleiros populares avisan de que “é preciso acondicionar os edificios e a súa contorna, para que volvan prestar servizo aos distintos colectivos que posúe a parroquia de Covas”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
