O sindicato sinala que non se recuperaron todos os servizos que había antes da pandemia e critica a falta de investimento nas infraestruturas ferroviarias
Santiago de Compostela, 8 de xuño de 2022. Este mediodía, unha delegación do Sector Ferroviario de CCOO de Galicia reuniuse en Santiago de Compostela co Partido Popular para trasladarlle tanto os problemas que hai no servizo e nas infraestruturas ferroviarias, como as propostas do sindicato nesta materia. Desde o sindicato sinalaron que aínda non se restableceron todos os servizos previos á pandemia, ao tempo que onde si o fixeron, non cumpren con todas as necesidades das persoas usuarias.
A xuntanza forma parte dunha campaña transversal para chegar a acordos entre institucións, empresas, partidos políticos, sindicatos e outros axentes sociais. O obxectivo, trazar a mellor estratexia para dotar a Galicia dun plan de transporte ferroviario útil, seguro e sustentable. Por parte de CCOO participou na reunión o coordinador do sector Ferroviario, Gregorio Bermejo, acompañado dos secretarios xerais provinciais do dito sector.
No encontro, os sindicalistas salientaron a necesidade de chegar a un consenso transversal dos axentes sociais para crear en Galicia unha rede de proximidade que permita os desprazamentos baratos e frecuentes entre poboacións próximas e para responder as necesidades da poboación galega.
CCOO propuxo emprender unha experiencia de rede de proximidade entre Viana do Castelo e Vigo que sirva de motor de arranque para a organización en Galicia dun modelo de proximidade eficaz. Un proxecto singular que se coordinaría cos puntos nodais para a alta velocidade, longa distancia e media distancia deste lado da fronteira e cos trens portugueses.
Tamén se tratou a situación da alta velocidade e a necesidade de potenciar o corredor Atlántico na súa dobre vertente: responder as necesidades do transporte de viaxeiros e mercadorías, ademais das conexións con Madrid, Barcelona ou Lisboa.
Servizos previos á pandemia
CCOO tamén denunciou que en Galicia aínda non se recuperaron todos os servizos que había antes da pandemia. Nalgúns casos, por riba, empeoraron. É o caso de Vigo-Ourense polo corredor do Miño, Ourense-O Carballiño, Ponferrada-Monforte-Ourense, A Coruña-Lugo-Monforte e A Coruña-Ferrol. «Temos a impresión de que a Renfe non lle interesan, isto supón un paso máis no desmantelamento progresivo do transporte ferroviario de viaxeiros nas liñas convencionais», apunta Bermejo.
En materia de infraestruturas, ademais das obras que están en marcha para a modernización entre Ourense e Lugo, CCOO reclama investimentos no resto da rede convencional, destacando o corredor do Miño entre Ourense e Vigo, a liña A Coruña-Ferrol, o tramo entre A Coruña e Lugo, a liña convencional entre Ourense e Santiago, e a liña entre Monforte e Ponferrada.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
