O portavoz popular, Óscar Rodríguez, apela á responsabilidade da socialista Loureiro e a súa condición de membro do goberno provincial para conseguir a infraestrutura demandada
Viveiro, 20 de xuño de 2022. A praia de Area (Viveiro) é unha das máis coñecidas e visitadas da provincia de Lugo. O PP, preocupado pola falta de seguridade para os peóns que supón a inexistencia de beirarrúas nesta vía de titularidade provincial, tanto no aceso como ao longo da praia, presentou unha moción na pasada sesión plenaria do Concello para instar á Deputación a adoptar canto antes as medidas necesarias para construír tan importante infraestrutura. O portavoz popular, Óscar Rodríguez, avisa de que estará vixiante para que esta decisión non quede no caixón dos asuntos perdidos.
Os populares teñen claro que as praias son un dos principais activos da economía de Viveiro. Polo tanto, consideran que todo o que ten que ver coa súa promoción debe ser prioritario para o Concello. E a seguridade vial dos veciños de Viveiro e dos milleiros de visitantes que cada verán acoden á praia de Area é cuestión primordial. Por iso presentaron a moción para que dende a institución municipal se inste á Deputación a construír beirarrúas no acceso á praia, polo menos por unha das beiras da estrada, e ao longo da praia. Aos votos dos populares sumáronse os de Por Viveiro, mentres que os demais partidos se abstiveron.
Rodríguez lembra que en Area hai dous hoteis emblemáticos e dous afamados restaurantes, e que o paso de peóns e constante cada día durante os meses de verán. Asegura: “É necesario dotar de beirarrúas canto antes ao acceso a esta emblemática praia de Viveiro”.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
