SANTIAGO .- A Consellería do Mar modificou a orde pola que se declaran e clasifican as zonas de produción de moluscos bivalvos e outros invertebrados mariños como resultado dos controis que leva a cabo o INTECMAR, seguindo as recomendacións do CEFAS, de revisión periódica de clasificación de zonas produtivas. As analíticas amosaron unha mellora na parte externa das Rías do Burgo, de Aldán, na Ensenada de Fisterra e no esteiro do Río Tallara, situado na Ría de Muros e un empeoramento na parte interna das Rías de Viveiro e Ferrol, na parte interna da enseada de Muros, no saco de Fefiñáns en Cambados, nas enseadas de Baiona e Laracha e en Miño
Mar recalifica as zonas de produción de moluscos bivalvos
Atendendo ás recomendacións do CEFAS, a Consellería do Mar a través do Intecmar levou a cabo as analíticas que determinaron unha nova clasificación das zonas de produción de moluscos bivalvos no litoral de Galicia
As analíticas amosaron unha mellora na parte externa das Rías do Burgo, de Aldán, na Ensenada de Fisterra e no esteiro do Río Tallara, situado na Ría de Muros
As análises do Intecmar evidenciaron un empeoramento na parte interna das Rías de Viveiro e Ferrol, na parte interna da enseada de Muros, no saco de Fefiñáns en Cambados, nas enseadas de Baiona e Laracha e en Miño
Santiago, 28 de xullo de 2010.- A Consellería do Mar, a través da Dirección Xeral de Ordenación e Xestión dos Recursos Mariños, vén de publicar a modificación da Orde do 8 de setembro de 2006 pola que se declaran e clasifican as zonas de produción de moluscos bivalvos e outros invertebrados mariños nas augas de competencia da Comunidade Autónoma de Galicia. A modificación da Orde, que sae publicada hoxe no Diario Oficial de Galicia, é resultado dos estritos controis que leva a cabo o Instituto Tecnolóxico para o Control do Medio Mariño (INTECMAR) seguindo as recomendacións do CEFAS (Centre for Enviroment, Fisheries and Aquaculture Science) de revisión periódica de clasificación de zonas produtivas.
As analíticas realizadas polo INTECMAR evidencian variacións nas condicións das zonas de produción, de aí a necesidade de adecuar a súa clasificación aos novos resultados obtidos nos diferentes controis. Así, segundo estas analíticas, para as que se empregou o método de referencia a nivel europeo acreditado pola Entidade Nacional de Acreditación, detéctase a mellora nalgunhas zonas como na Ría do Burgo na que só permanecerá catalogada como C a parte interna (GAL 05-06). A zona GAL 05-05, pasará a ser catalogada como zona B e a zona GAL 05-03 tamén cambiará a súa clasificación pasando a ser B provisional, quedando toda a ría, excepto a parte especificada, como zona B tal e como avalan os resultados das estrictas analíticas realizadas directamente aos moluscos polo Instituto Tecnolóxico para o Control do Medio Mariño (INTECMAR). Tamén experimentou unha mellora o GAL 08-05, coñecido como Esteiro do río Tállara, na ría de Muros, que pasa de clasificarse como C estable a facelo como B estable.
A mellora destas zonas implica o regreso á actividade marisqueira e significa que o marisco extraído é apto para o seu consumo en fresco con todas as garantías de calidade e salubridade, sempre que se someta a un proceso de depuración. Este cambio favorece aos mariscadores da zona xa que recuperarían a súa actividade e nivel de ingresos económicos habitual.
Por outra banda, as análises amosaron un empeoramento na parte interna da Ría de Ferrol GAL 03-07 que pasa de ser B estable a ser zona de produción C estable e no caso do GAL 03-06 pasa de ser C estable a estar pechada, o mesmo que o GAL 11-03 coñecido como Foz do Miñor, na Ría de Vigo. Outra zona que resultou modificada foi Miño, onde a GAL 04-06 pasou de ser B provisional a ser B estacional e a GAL 04-09 pasou de ser B provisional a C estable.
Procedemento regrado
A Consellería do Mar lembra que clasificación de zonas – A, B e C- é un proceso regrado rexido polo Regulamento (CE) 854/2004 que decreta a cualificación das diferentes áreas de produción en función da calidade microbiolóxica das augas, concretamente do indicador E. coli. Así, unha zona catalógase como “A” cando os niveis de E. coli por cada 100 gramos de carne son inferiores ou iguais a 230. Cando estes niveis oscilan entre 230 e 4.600 a zona clasifícase como “B” e cando superan os 4.600 e non sobrepasan os 46.000 a zona defínese como “C”.
Ademais, cabe lembrar que a Xunta, a través da Consellería de Medio Ambiente, Territorio e Infraestruturas, puxo en marcha, en coordinación co departamento de Mar, un plan específico de infraestruturas en materia de saneamento para mellorar a calidade das augas cun horizonte de finalización do ano 2014 que permitirá diminuír a contaminación microbiolóxica en 17 zonas de marisqueo que actualmente teñen problemas de clasificación, e que están localizadas en 9 rías galegas.
Respecto á calidade dos produtos, é importante salientar que os moluscos que se extraen de calquera das 91 zonas B que hai no litoral de Galicia son óptimos para o consumo humano e están plenamente garantidos sempre e cando se consuman, tras un proceso de depuración, a través dos cauces legais de comercialización.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
