A cita de recreación histórica inclúe un amplo programa de actividades
Viveiro, 6 de xullo de 2022. Viveiro celebra esta semana o XIII Mercado Renacentista, que comezará mañá, xoves 7 de xullo, e se estenderá ata o próximo domingo día 10.
“Recuperamos esta cita tras dous anos de parón pola pandemia, pero cunha ampla oferta de actividades para todas as idades e gustos”, explica a alcaldesa de Viveiro, María Loureiro, quen subliña que a cita renacentista “é unha referencia tanto para a nosa cidadanía como para posicionar a vila turisticamente”.
O evento central do programa será o tradicional desembarco de Carlos V, que se celebrará o venres 8 de xullo ás 20:00 na Praia de Covas. Esta cita supón un elemento diferenciador do Mercado Renacentista de Viveiro respecto doutras recreacións históricas.
Entre os elementos máis vistosos do desembarco inclúense os tradicionais cabaleiros de Viveiro, os tambores da cofradía La Piedad e a actuación das bailarinas de Sala 5. Ademais, o evento contará cos habituais personaxes, como Carlos V, Juana la Loca, Isabel de Portugal, os membros dos catro liñaxes de familias de Viveiro, entre outras.
Tamén se ofrecerá un torneo de xustas tras a chegada de Carlos V á praia de Covas. Nesta parte, enfrontaranse dous cabaleiros e realizarase ademais un combate dentro dun círculo de lume.
A continuación, toda a comitiva encabezada por Carlos V desprazarase a Viveiro, onde o historiador Suso Martínez encarnará á personaxe que recibirá ao rei na porta de Carlos V. O desfile continuará cara á Praza Maior de Viveiro, onde actuará Bágoas da Terra, cun baile de cintas, e o músico David Bellas, interpretando unha peza renacentista coa gaita.
“Dende o Concello de Viveiro agradecemos o esforzo de todas as persoas que se involucran na recreación do desembarco, tanto ós actores profesionais, como á cidadanía que se suma de forma amateur”, sinala a concelleira de Cultura, Lara Fernández Fernández-Noriega.
O programa do XII Mercado Renacentista complétase cunha ampla oferta de actividades musicais, actuacións, obradoiros, o campamento renacentista, atraccións infantís, arquería, entre outras propostas.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
