O rexedor cervense quixo tamén valorar o esforzo dos profesionais dos Centros de Saúde de Cervo e San Cibrao que adaptaron os seus horarios e dobrarán quendas para poder ofrecer a maior cobertura sanitaria posible ao paciente
Cervo, 8 de xullo, 2022. O alcalde de Cervo, Alfonso Villares, mantivo este mediodía en Lugo o un encontro que tiña previsto co xerente da área sanitaria de Lugo, A Mariña e Monforte, Ramón Ares, para abordar o asunto da atención primaria e da falta de profesionais que afecta ao conxunto de España e do que Cervo non queda á marxe.
Trala entrevista, o alcalde quixo lanzar unha mensaxe de tranquilidade á veciñanza “porque o servizo da atención primaria estará garantido tanto en Cervo como en San Cibrao durante o verán a pesar que estamos a falar dun problema estrutural e global grave “que afecta a todo o territorio nacional” xa que as bolsas de profesionais están a 0, o que imposibilita cubrir baixas e vacacións e “é goberno o que ten as competencias para resolver esta crise sen precedentes da atención primaria; e o goberno o que debe tomar medidas urxentes para evitar que España quede sen médicos na Atención Primaria”.
Neste senso, o rexedor recordou que a consellería de Sanidade, da man do seu titular Julio Comesaña, encabeza un manifesto que recolle medidas de choque urxentes para paliar este déficit de profesionais na AP. Un texto que xa foi remitido ao ministerio e que secundan, ata o de agora, as comunidades autónomas do País Vasco, Andalucía, Cataluña, Murcia e Castela e León.
Villlares quixo agradecer o esforzo realizado polos profesionais “á hora de adaptar os seus horarios e dobrar quendas para poder ofrecer ao paciente a maior cobertura sanitaria posible, dentro das circunstancias”, e avanzou que en setembro, e logo das merecidas vacacións dos sanitarios, os horarios do centro de saúde de Cervo volverán á normalidade”
Villares lembrou tamén que a Xunta, no eido das súas competencias, ten posto en marcha unha iniciativa pioneira en España para captar profesionais para as prazas vacantes de difícil cobertura: unha convocatoria de 106 prazas en propiedade por concurso de méritos, sen exame de oposición, á que pode optar calquera profesional especialista en medicina familiar e comunitaria e especialmente dirixida para os residentes que rematan este ano o seu MIR. O alcalde de Cervo destacou que unha destas prazas convocadas corresponde ao centro de San Cibrao e destacou a hipocrisía do BNG, que votou no Parlamento en contra da lei que habilitou esta convocatoria extraordinaria que vai a permitir a incorporación dun novo profesional con praza fixa neste centro no mes de setembro.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
