Ribadeo, 14 de xullo de 2022. Hoxe, xoves 14, terá lugar o pleno ordinario do mes de xullo do Concello de Ribadeo. Entre os asuntos a tratar figuran un convenio co Concello de Trabada sobre o subministro de auga, a adhesión a unha iniciativa da Fegamp e da Xunta e os festivos locais para 2023, que será o 16 de agosto e o 8 de setembro.
O alcalde, Fernando Suárez, referiuse a algúns dos temas que se abordarán na sesióin plenaria desta tarde: “un deles vai ser dar conta dun convenio que manteremos co veciño Concello de Trabada no tocante ao subministro de auga a varias parroquias dese Concello a través da acometida municipal de Ribadeo que toma a auga precisamente desde o Río Eo, no lugar de Vilarbetote. Trátase dun primeiro paso para normalizar e afianzar os compromisos mutuos de boa vecindade que redundan sempre na mellora dos servizos públicos para os veciños e para as veciñas”.
O rexedor contou que “outro punto vai ser a adhesión a unha iniciativa da Fegamp e máis da Xunta para fomentar a implantación e fixación de empresas mediante a asunción de compromisos de axilidade, que xa temos por suposto, na concesión de licencias de obra, ou o que é novidoso, o compromiso dunha bonificación fiscal tanto no IBI, no IAE e no ICIO para aquelas empresas que creen emprego estable podendo chegar dun mínimo do 50% a un máximo do 95% e por un tempo de tres anos fiscais, para todo o Concello de Ribadeo e non só no que ten que ver co polígono industrial, senón para todo o termo municipal. Tamén trataremos esa proposta de distribución pormenorizada de diferentes partidas de gastos financiados con préstamo para este exercicio económico, esas obras que estamos levando adiante, que vamos levar”.
Fernando Suárez engadiu: “logo outro dos puntos será a fixación dos festivos locais para o ano 2023, que se propoñen coma sempre o 16 de agosto, que e un mércores, que é o día de San Roque, o co-patrono de Ribadeo, e o venres 8 de setembro, que será o día da Patroa”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
