Ribadeo, 11 de agosto de 2022. O alcalde, Fernando Suárez, reclama unha vez máis o Plan Especial de Ordenación Portuaria para o porto de Ribadeo. O rexedor lamenta non poder ter departido co presidente da Xunta, que pasou pola vila nas últimas horas, sobre a situación de desamparo e desprotección xurídica na que se atopa esa zona.
Suárez Barcia declarou que “soubemos pola prensa que o Sr. Rueda estivo onte no Porto Deportivo de Ribadeo. Vimos que estaba moi ledo de pasar un anaquiño do seu tempo no noso concello. Quero deducir que estea de vacacións polo que non avisou ao máximo representante do pobo por vontade da cidadanía, isto é, ao Alcalde. A verdade é que xa non nos sorprenden este tipo de desplantes por moitos dos seus subordinados, pero si que o faría se viñese de quen vén: do Presidente de todos os galegos e galegas”.
O alcalde dixo que “ao non poder departir con el, quizais non foi consciente da situación de desamparo e desprotección xurídica no que se atopa a zona portuaria onde el estivo fotografándose co seu concelleiro local popular”.
Fernando Suárez explicou que “a situación de falta de atención por Portos de Galicia clama ao ceo desde hai moito tempo. A zona portuaria, tanto comercial, como pesqueira, como deportiva é da titularidade e da responsabilidade da Xunta de Galicia, a través do ente Portos de Galicia. E é de obrigado e necesario cumprimento a necesidade de ter un Plan Especial de Ordenación Portuaria (PEOP) do Porto de Ribadeo. Así poderíanse establecer moitas actividades, melloras, iniciativas económicas nesta grande superficie sen ter que estar absolutamente limitado como é o caso dos últimos anos, onde iniciativas económicas desistiron de instalarse ou de ampliar as súas instalacións precisamente pola falta deste Plan de Usos. Para iso levamos demandando formalmente ás sucesivas presidencias de Portos de Galicia que deben impulsar este plan, do mesmo xeito que desde o Concello, e no ámbito das nosas competencias, xa impulsamos e aprobamos os instrumentos de planeamento coma o Plan Xeral de Ordenación municipal do Concello ou o Plan Especial de Protección do Conxunto Histórico da vila”.
O rexedor confía que “agora con esta información verídica e precisa que seguro non lle facilitaron os compañeiros de fotografía, poida dar as instrucións necesarias e á volta do verán poidamos ver efectivamente que este Plan de Ordenación Portuaria vai adiante. E por suposto, e como non podía ser doutro xeito, quedamos á súa disposición para cantas dúbidas ou aclaracións poidan estimar oportunas”.
O alcalde, Fernando Suárez, enviou hai tempo escritos á presidenta de Portos de Galicia, Susana Lenguas, nos que aludía á importancia e á necesidade de contar con ese Plan Especial de Ordenación Portuaria do porto de Ribadeo.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
