Ribadeo, 7 de setembro de 2022. O alcalde de Ribadeo, Fernando Suárez, anima a gozar dos días grandes das festas patronais. O rexedor recoñece o traballo realizado pola comisión e destaca o apoio loxístico e económico do Concello cos festexos. Para esta noite está previsto un espectáculo de luz e son e os fogos artificiais no Campo de San Francisco e mañá será o día da patroa.
Suárez Barcia comentou que “agora que estamos xa nos momentos grandes destes días de festas da patroa, con todas as actividades que hai programadas para hoxe, o día 7, especialmente os fogos artificiais, as orquestras para esta noite, este espectáculo de luz e son que haberá ao fío da media noite e logo mañá con todas as actividades do día da patroa, festivo local, queremos valorar e recoñecer o traballo desta xente que forma parte da comisión de festas de Ribadeo: xente noviña pero ao mesmo tempo madura e que soubo facer un programa diverso, inclusivo, adaptado para os máis pequenos, para a xuventude e para a xente máis maior”.
O alcalde subliñou: “desde o Concello achegamos todo o apoio loxístico posible, axudámoslles técnica e economicamente, con 27.000 euros de fondos públicos, e tamén desde o punto de vista humano e administrativo con todo aquilo que puideron precisar. Tamén hai que valorar o resto de institucións públicas e privadas que achegaron o seu graíño de area, fose máis grande ou máis cativo, e de todas aquelas persoas que a título individual tamén participaron neste traballo colectivo que son as festas da patroa”.
O rexedor animou a acudir ás festas de Ribadeo: “e agora queda, polo tanto, pedirlle a toda a cidadanía -á de Ribadeo e aos nosos irmáns de concellos veciños- que fagan un parón nas súas vidas laborais para aproveitar estes días de festas en Ribadeo. Tempo haberá despois para seguir loitando con todos os problemas e desafíos que temos por diante como sociedade. Pero collamos folgos, fagamos un parón e disfrutemos destas festas da patroa 2022”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
