Os populares fanse eco dunha nova queixa veciñal debido a que “os pasos de peóns na zona do Perdouro están sen pintar tralo recente asfaltado da rúa Camiño Real”
Burela, 8 de setembro de 2022. Os populares de Burela condenan unha vez máis “a incapacidade de xestión” do goberno socialista do señor Llano poñendo como exemplo as queixas que trasladan os veciños á formación popular ante a “falta de planificación” nas obras de renovación do asfaltado da rúa Camiño Real. “Acaba de dar comezo o curso escolar, pero esta zona que limita cos recintos educativos do Perdouro está sen pintar”, explican.
O voceiro, Manuel Rouco, considera que “este risco para os menores que comezaron o curso escolar e que non teñen os pasos de peóns debidamente sinalizados se podería ter evitado se o goberno socialista do señor Llano e, particularmente, o responsable desta área, o concelleiro don Ramiro Fernández, houberan planificado axeitadamente o calendario de obras- É unha irresponsabilidade poñer en risco non só a seguridade viaria dos veciños e veciñas; senón, especialmente, a dos menores que este xoves comezan a acudir a diario ás zonas educativas da nosa vila”.
O goberno de Llano só espabila tralas denuncias públicas do PP
Rouco explica que “isto non é máis que un suma e segue na lista de despropósitos do goberno de Burela que o único que fai é improvisar no seu día a día”. En relación á obra do Camiño Real, lembra que “está envolta na incerteza e na inseguridade dende o primeiro día”. Por unha banda, “tivo que ser presupostada ata en dúas ocasións, co conseguinte incremento de prezos debido á ineficiente xestión do goberno local que foi incapaz de tramitar en tempo e forma a súa contratación”. E, por outra, “cando comezaron as obras tamén denunciamos a deficiente sinalización das mesmas, particularmente, na baixada dos institutos o que engadía un perigo que podía terse evitado facilmente”.
Igualmente, tivo que ser outra denuncia pública dos populares a que “fixera espabilar ao goberno local para subsanar as deficiencias nesta rúa que estaba a escuras e cos vadéns habilitados para reducir a velocidade dos vehículos ao aproximarse aos centros educativos sen sinalizar. Este é un proceder curioso para un goberno dunha vila coma Burela”, considera Rouco.
O PP local lamenta que “unha vez máis se cumpran as nosas previsións, xa que sería bo para o noso pobo que o goberno local deixara de darnos a razón sobre a súa incapacidade de xestión e a súa improvisación diaria”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
