Ribadeo, 15 de setembro de 2022. O alcalde, Fernando Suárez, ven de enviarlle unha carta ao presidente da Xunta, Alfonso Rueda, para amosarlle o malestar das nais e dos pais que viven nas parroquias ribadenses tras os cambios realizados nas paradas do transporte escolar. Suárez Barcia subliña que esta situación afecta a moitas familias, que se senten frustradas ao non teren explicación clara sobre esa alteración substancial do servizo.
O rexedor contou que “nestes últimos días estamos recibindo numerosas queixas de pais e nais que viven nas parroquias do noso concello, alertándonos de que de súpeto, neste inicio de curso escolar dos seus pícaros e pícaras, teñen un problema co transporte escolar porque o autobús non se detén nas paradas do transporte escolar á que viñan tendo dereito e que estiveron usando ao longo destes anos atrás”.
Suárez Barcia dixo que “as familias teñen un sentimento de frustración moi grande ao non teren unha explicación clara para saber a que responde esta alteración substancial nos puntos de parada do transporte escolar. E polo que puidemos saber, as alternativas que se ofrecen son en todos os casos moito máis lesivas, dado que as novas ubicacións das paradas sempre se propoñen a máis distancia dos domicilios familiares, chegando en moitos casos a plantexarse no sentido contrario á proximidade do centro educativo”.
O alcalde ribadense sinalou: “sabemos que desde o Concello de Ribado non temos as competencias nin en educación nin en transporte, aínda que colaboramos de xeito importante ao mantemento e conservación do CEIP Gregorio Sanz e vemos como, unha vez máis, se están a producir taras e problemas por vivir no rural. Nestes últimos anos desde o Concello de Ribadeo fomos renovando e aumentando as marquesiñas das paradas do transporte escolar, nalgúns casos coa axuda tamén da Deputación de Lugo. E agora vemos que algunhas delas van quedar inservibles ao propósito escolar para o que foron instaladas”.
Fernando Suárez manifestou: “ademais temos que dicir que nos sorprende porque a poboación das parroquias non tivo movementos residenciais significativos nestes derradeiros anos, polo que non acabamos de entender esta decisión tan pouco afortunada. Se queremos, entre todos, apostar por un mundo rural vivo debemos contribuír a dar máis servizos e non precisamente a eliminar ou restrinxir os poucos que día a día van quedando”.
O rexedor engadiu que “por todo iso, desde o Concello de Ribadeo, con todo respecto, mais de xeito enérxico, nos diriximos ao presidente da Xunta de Galicia, porque é responsable da competencia de Transportes e Mobilidade, para que paralice este despropósito que se creou neste curso académico que agora empeza e que tan preocupados ten a tantos pais e a tantas nais de aquí de Ribadeo”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
