Viveiro, 16 de setembro de 2022. A alcaldesa de Viveiro, María Loureiro, asinou hoxe, acompañada da concelleira de Servizos Sociais, Victoria Baamonde, un convenio de subvención nominativa co presidente da Asociación de Familiares de Enfermos de Alzheimer, José Amador.
O convenio, por importe de 15.000 euros, ten como obxectivo colaborar con esta entidade, que vén prestando asistencia aos usuarios para mellorar a súa calidade de vida, prestando, así mesmo, apoio aos seus familiares e realizando campañas informativas e actividades destinadas a dar visibilidade a esta doenza.
O Concello de Viveiro continúa mantendo o seu compromiso e colaboración con esta asociación, coa que se vén traballando dende hai moito tempo, conscientes da súa importante e necesaria labor. No marco desta estreita colaboración cómpre lembrar que o concello cedeu a AFA Viveiro a Casa de Calvo Sotelo para que poidan dispoñer dun local máis amplo, que servirá para unha mellor prestación do servizo ou a colaboración das merendas.
Tendo en conta que o 21 de setembro se celebra o Día Mundial do Alzheimer, dende o Concello de Viveiro quérese aproveitar a ocasión “para manifestar o noso apoio e a nosa solidariedade aos afectados; consideramos que o alzheimer é un problema socio-sanitario de primeira magnitude, unha enfermidade especialmente dura, triste e cruel cuxa dependencia afecta non só á ao enfermo, senón tamén á súa familia”, afirma Loureiro.
Con motivo desta data, na noite do luns 21 ao martes 22 de setembro, a Porta de Carlos V iluminarase de cor verde como mostra de apoio e solidariedade con todos os afectados e as súas familias.
“Quero aproveitar a ocasión para agradecer publicamente á Asociación de Familiares de Enfermos de Alzheimer de Viveiro polo seu traballo, compromiso e dedicación, polos esforzos realizados para mellorar a calidade de vida dos viveirenses afectados por esta doenza e das súas familias, prestando asistencia psicolóxica e ofrecendo servizos e apoio e respiro familiar”, engade a alcaldesa.
O convenio asinado hoxe forma parte do traballo realizado no ámbito dos servizos sociais e da implicación coa xente maior, destacando que unha das partida máis grandes dos orzamentos municipais están destinadas á área de servizos sociais. Neste sentido cabe lembrar que dentro dos programas prestados en Servizos Sociais con especial atención aos coidados da xente maior, destacan:
– Servizo de Axuda no Fogar.
– Programa de Xantar na Casa, que facilita unha alimentación saudable e equilibrada a aquelas colectivos de persoas maiores e persoas en situación de dependencia, mellorando a súa calidade de vida e a autonomía dos seus usuarios.
– Servizo de Teleasistencia Domiciliaria, a través da Dependencia da Xunta de Galicia ou a través da Deputación de Lugo, sendo neste último caso un servizo gratuíto. Este é un servizo, dirixido a persoas maiores que viven soas, que lles permite pedir axuda en caso de urxencia, dende o propio domicilio. Este servizo é unha prestación que garante atención as 24 horas do día e os 365 días do ano, favorecendo a permanencia e a integración no entorno familiar e social das persoas usuarias do mesmo.
– En Voluntariado Social, un programa de acompañamento social para todas aquelas persoas que necesiten nun momento dado que se lles acompañe para realizar unha xestión, a citas médicas, etc. cano carezan dunha rede de apoio social.
– Préstamo de camas articuladas.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
