Burela, 16 de setembro de 2022. O Concello de Burela acolleu esta mañá a presentación da sétima edición do festival benéfico deportivo Alas de Vida, que se celebrará esta fin de semana co obxectivo de recadar fondos para a asociación Debra Pel de Mariposa. Presentaron esta nova edición o alcalde de Burela, Alfredo Llano, o presidente da asociación Fanto Fantini, Diego Campos, e o representante de Alas de Vida, Kiko Muñoz.
O sábado 24 de setembro realizarase un paseo solidario de 3 km con saída na Praza da Mariña ás 16:30h e unha festa infantil para os máis pequenos e pequenas. O domingo 25 de setembro a xornada comezará cunha andaina ás 9:30h que precederá ao trail de 14 km saíndo ás 10:30h, ambos da Praza da Mariña.
Tanto para o paseo, como para a andaina e o trail, é preciso inscribirse na web https://inscripciones.empa-t.com/inscripcion/carreras-solidarias-alas-de-vida-2022-1/inscripcion_datos/?lang=es
Esta iniciativa que chega á súa sétima edición despois dun parón pola pandemia pretende non só recadar fondos para apoio á asociación da pel de mariposa, senón tamén visibilizar esta catalogada como enfermidade rara.
O alcalde de Burela, Alfredo Llano, destacou “que é un evento solidario que vai da man do deporte e que leva moitos anos contando coa participación da xente, moi importante para conseguir sensibilizar sobre esta enfermidade”, valorando o festival benéfico deportivo como “unha iniciativa extraordinaria da que estou moi orgulloso e moi agradecido por toda a implicación”.
Pola súa banda, Kiko Muñoz explicou “que o noso proxecto foi elexido nunha liña que vincula as enfermidades raras co deporte e que nos permite o financiamento con fondos europeos, acadando un paso importante que redunda positivamente na integración das persoas que padecen esta enfermidade”, agradecendo así mesmo “a grande colaboración do pobo tanto a nivel económico como tamén persoal, o que nos fai ter unha satisfacción maior despois de todo o traballo realizado”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
