O director do Igape, Fernando Guldrís, visitou Aluminios Seco, empresa participante nesta iniciativa que mellorou a súa capacidade de produción grazas á implantación de maquinaria nova
Barreiros, 26 de setembro de 2022. O director do Igape, Fernando Guldrís, visitou hoxe en Barreiros as instalacións da empresa Aluminios Seco, onde puxo en valor a importancia para a mellora competitiva das pemes lucences do programa Galicia Inviste, que ten permitido ata o de agora mobilizar máis de 8 millóns de euros de investimento público-privado na provincia.
Neste sentido, expuxo Guldrís, Aluminios Seco é un exemplo das posibilidades que ofrece esta liña impulsada pola Vicepresidencia primeira e Consellería de Economía, Industria e Innovación a través do Igape. “Neste caso concreto, o programa facilitou a adquisición de maquinaria nova mellorando a capacidade de produción da empresa para atender, deste xeito, a súa actual demanda”, subliñou.
Sobre esta base, o director do Igape lembrou que o Galicia Inviste ten aberto o prazo de presentación de solicitudes ata o vindeiro 30 de setembro, con apoios que cobren proxectos desde 25.000 ata 900.000€, chegando ao 35% dos investimentos no caso das pequenas empresas, e ao 25% para as medianas.
Así mesmo, incidiu, a principal novidade desta edición é que, por primeira vez, a liña ofrece a posibilidade de solicitar conxuntamente axudas e préstamos para o financiamento de proxectos, na procura de potenciar o mantemento e creación de emprego, a innovación e o impulso de novas iniciativas empresarias.
Neste marco, afondou Guldrís, o programa promove tres grandes liñas de actuación: unha centrada nos proxectos de investimento empresarial, outra que atende a iniciativas de mellora do sector de aloxamento, e a última que pon o foco en investimentos en equipamento produtivo, como é o caso de Aluminios Seco.
O director do Igape destacou que só na provincia de Lugo aprobáronse, desde o 2018 e ata o de agora, máis de 30 proxectos no marco do Galicia Inviste, que suman un importe conxunto de axudas superior aos 2M€. “Con iniciativas como esta reforzamos o noso compromiso co tecido empresarial, en particular coas pequenas e medianas empresas e cos autónomos, na procura de facilitar o aceso a axudas e financiamento que precisan para realizar os seus investimentos e potenciar así o xeración de emprego, a innovación e a posta en marcha de proxectos empresariais”, resaltou Guldrís.
Neste sentido, realzou a importancia deste e outros programas que facilitan o financiamento de pemes e autónomos na actual conxuntura económica, como as liñas de avais e reavais que priorizan a resposta ás dificultades que atravesan as empresas máis afectadas pola invasión rusa de Ucraína.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
