Cervo, 30 de setembro, 2022. Na cita abórdanse cuestións de gran relevancia para as entidades locais e para a cidadanía en xeral, como o ciclo da auga, o aforro enerxético, a xestión dos residuos ou a mobilidade urbana
O rexedor cervense e vicepresidente primeiro da Fegamp, Alfonso Villares, participou na inauguración do Congreso Concellos 20-30 que se celebra este xoves e venres no Foro de Carballo, organizado por este concello e por Gestagua, en colaboración da Federación Galega de Municipios e Provincias (Fegamp) e Urbaser.
Na cita estanse a abordar cuestións de gran relevancia para as entidades locais e para a cidadanía en xeral, a fin de acadar os Obxectivos de Desenvolvemento Sostible fixados por todos os Estados Membros das Nacións Unidas no marco da axenda 2030.
Así o congreso xira en torno a temáticas como o ciclo da auga, o aforro enerxético, a xestión dos residuos ou a mobilidade urbana.
Na súa intervención, Villares fixo fincapé no papel dos concellos “nesta reinvención do mundo no que estamos xa metidos de cheo”, coido que a estas alturas –engadiu- “todos somos conscientes da envergadura do cambio e que afectará a todos os eidos da nosa vida”.
Vimos de pechar o verán máis cálido desde que hai rexistros, temos as nosas cuncas en baixos sen precedentes, as consecuencias do parón de actividade na pandemia, e da crise internacional pola invasión de Ucraína, teñen posto ao descuberto defectos múltiples do noso sistema de produción…Temos pois –engadiu- alertas de sobra para saber que urxe reaccionar. Desde a posición que ocupan os concellos temos que seguir a facer un esforzo de información e de concienciación á cidadanía; porque a transformación ten que ser tan fonda que require da colaboración de cada unha das persoas, un cambio de mentalidade da sociedade.
Pero para poder materializar os obxectivos fixados na Axenda 2030, ademais de fondos os concellos necesitan ferramentas e axuda para avanzar de forma sólida, eficiente e estruturada. Queda moito por facer porque o reto é infinito, xornadas como esta que estamos a realizar son importantes para concienciarnos do cambio “ou o facemos entre todos ou fracasaremos como sociedade”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
