José Tomé Roca participou este luns no pleno da Comisión de Deputacións Provinciais, Cabildos e Consellos Insulares da Federación Española de Municipios e Provincias (FEMP) celebrado este luns en Cáceres
Lugo, 3 de outubro de 2022. O Presidente da Deputación de Lugo, José Tomé Roca, participou no pleno da Comisión de Deputacións Provinciais, Cabildos e Consellos Insulares da Federación Española de Municipios e Provincias (FEMP) celebrado este luns na sede da institución provincial de Cáceres. No encontro, que contou coa presenza do Presidente de Extremadura, Guillermo Fernández Vara, os presidentes e presidentas dos gobernos locais intermedios de todo o país abordaron a concorrencia e xestión de fondos europeos e a necesidade de reforzar a ciberseguridade.
José Tomé destacou a importancia que tería para unha provincia como a de Lugo, na que todos os concellos excepto a capital teñen menos de 20.000 habitantes, que se abrise a posibilidade de que as deputacións concorran directamente ao marco financeiro plurianual da Unión Europea 2021-2017 e xestionar estes recursos, porque, desta forma, a través das institucións provinciais, os municipios, sobre todo os máis pequenos, poderán beneficiarse destes fondos, aos que doutra maneira teñen moi difícil acceso, por capacidade técnica e económica.
“Dende as deputacións, cabildos e consellos insulares vimos reivindicando a oportunidade de participar, xunto ao Goberno de España e as comunidades autónomas, na xestión directa de fondos europeos. No marco de financiamento que está a punto de finalizar non se abriu esa porta, pero si no anterior período, demostrando a nosa gran capacidade e eficacia na xestión e cofinanciación para que realmente estes fondos cheguen a onde os veciños e veciñas o necesitan, porque somos a administración máis próxima e, polo tanto, a que mellor coñece o territorio”, explicou o Presidente.
“O reto demográfico e a loita contra o despoboamento pasa por dúas cuestións básicas, como son a dotación e mellora dos servizos públicos no medio rural e a creación de emprego, uns obxectivos nos que deben xogar un papel fundamental os fondos europeos e, para que sexan realmente útiles, as deputacións debemos ter capacidade de xestión”, engadiu o mandatario provincial.
Para tratar estas cuestións, o pleno da Comisión de Deputacións contou coa presenza da Secretaria Xeral de Fondos Europeos do Goberno do Estado, Mercedes Caballero.
Así mesmo, na reunión celebrada hoxe en Cáceres, os presidentes e presidentas abordaron a necesidade de reforzar a ciberseguridade nas propias institucións provinciais e nos municipios, e o papel que poden xogar neste asunto as propias deputacións, un asunto no que interviñeron Javier Candau e Carlos Córdoba, responsables do Centro Nacional de Intelixencia (CNI).
Tras a reunión da Comisión de Deputacións deste luns, o vindeiro 27 de outubro terá lugar en Vigo un encontro sobre políticas en materia de igualdade impulsadas polos gobernos locais intermedios. Os seguintes plenos deste órgano da FEMP do que forman parte as deputacións, cabildos e consellos insulares celebraranse o 6 de febreiro en Ourense e a mediados de marzo -o último encontro deste mandato-, en Madrid.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
