O Grupo Municipal Popular xa se preocupa e ocupa deste asunto dende o inicio deste mandato cando demandaron información sobre a herdanza do doutor Moreda e pediron a realización do proxecto
Ribadeo, 4 de outubro de 2022. O voceiro popular, Daniel Vega, explica “no pleno deste xoves tratáronse moitos temas e, todos eles, fundamentais para Ribadeo. O primeiro deles, a reforma do Hospital Asilo: un tema que o Grupo Municipal Popular leva tratando dende o inicio do mandato. Non é de agora, senón que xa naquel momento xa estabamos preocupados e ocupados coa súa reforma. Evidentemente, todos temos que xestionar orzamentos. É a nosa obriga como representantes políticos, representantes públicos”.
Vega indica que “o primeiro que fixemos foi esixirlle ao goberno do BNG que explicara a herdanza do doutor Moreda, algo que tiña moi escondido; pero que consideramos que tiña que explicarlle aos ribadenses. Agora sabemos, despois da venda do piso, que o valor da herdanza do doutor Moreda supón aproximadamente 730.000 euros para dirixir á reforma do Hospital Asilo. Tamén lle pedimos ao goberno local a creación dunha Comisión de traballo sobre este asunto (ao que o BNG se negou) e que redactara un proxecto que concreta perfectamente a reforma integral”.
“Agora toca xestionar orzamento. Aquí non debemos cerrar portas. Todas as administracións deben colaborar, financiar e, en consecuencia, converter en realidade o que todos debemos defender como corporación municipal”, manifestou o popular. “Non pode reinar o individualismo político. Non se debe traballar como partidos políticos, senón conxuntamente como corporación municipal. Debémosllo aos nosos maiores que necesitan un lugar axeitado”. Por iso, “espero que toda a corporación estea á altura das circunstancias”, engadiu. “Todos temos que estar na mesma liña: na da reforma do Hospital Asilo”, subliñou.
Outro dos temas importantes para Ribadeo abordado no pleno foi o pago de facturas. Os populares esixen ao goberno do BNG “pagar en tempo e forma as facturas pendentes como en tódolos Concellos. Ribadeo leva un atraso considerable e tamén na devolución das fianzas que depositan empresas que realizan traballos no noso concellos. Non se pode levar un atraso dende o 2020, algo que ocorre só neste concello. As empresas xa se plantean se traballar neste concello”.
Daniel Vega reitera a petición do Grupo Municipal Popular ao goberno do BNG para que teña “Ribadeo limpo” que é “o Ribadeo que queremos todos como pobo turístico. Os nosos veciños teñen que ter os contedores e as papeleiras limpas. Non se poden ter fontes ou farolas destrozadas como ocorre nas praias e tampouco pode ocorrer que estean as rúas sen baldear e haxa problemas de ratas no casco histórico. Esixímoslle ao goberno local que se poña a traballar, que non se preocupe tanto da oposición; senón de solucionar os problemas que lle trasladan a diario os veciños de Ribadeo”.
Acordo unánime para dedicarlle un espazo público a Víctor Moro
O popular destacou tamén que “foi un pleno onde conseguimos acordos; xa que se aprobou unha moción do noso grupo coa que pediamos que se lle dedique un espazo público a Víctor Moro, tal e como nos demandaron moitas persoas”. Tralo acordo unánime polo que Vega traslada o seu agradecemento “tanto ao BNG coma ao PSOE o seu respaldo. Agora imos buscar entre todos ese espazo público que nós defendemos que sexa preto da ría de Ribadeo porque Víctor Moro foi un gran economista, político e empresario; pero tamén defensor do nome da Ría de Ribadeo”.
“Cremos que foi un pleno fructífero. Debemos traballar todos como corporación sen individualismos; senón traballando por Ribadeo, que é o que importa”, conclúe Vega.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
