Ribadeo, 11 de outubro de 2022. Con motivo do Día da Saúde Mental, que tivo lugar onte, 10 de outubro, dende o Obradoiro de Emprego Vilas Coidadoras, impulsado polos Concellos de Ribadeo e Barreiros, levouse a cabo un programa de actividades de sensibilización sobre este tema baixo o lema Conecta coa vida.
Na xornada participaron persoas usuarias do Centro de Atención a Persoas Maiores (nova residencia) de Ribadeo conxuntamente co alumnado de 2º de Educación Primaria do CEIP Gregorio Sanz. En primeiro lugar houbo un obradoiro de manualidades no que se fabricaron diferentes figuras (paxaros, flores…) nas que escribiron actividades ou momentos que lles conectan coa vida e lles fan sentirse mellor. Unha vez rematado o obradoiro, realizaron entre todos un mural no que se integraron todas as mensaxes recollidas, algo que lle deu unha gran visibilidade ao proxecto.
O concelleiro de Economía, Desenvolvemento Local e Turismo, Pablo Vizoso, asegurou que “este tipo de actividades teñen unha grande importancia para exteriorizar os pensamentos e sentimentos das persoas participantes, algo fundamental para a detección e a prevención das enfermidades mentais”.
Segundo o edil ribadense “a cooperación interxeracional fixo desta unha experiencia moi enriquecedora para todos e todas e conseguiu sensibilizar tanto a nenxs como a maiores na normalización da saúde mental, un ámbito no que moitas veces nos atopamos con tabús que poden afectar á detección e tratamento destas enfermidades”.
Dende o Obradoiro Vilas Coidadoras, que comezou en setembro e no que se formarán 20 persoas dos Concellos de Ribadeo e Barreiros ao longo de 12 meses nas especialidades de atención sociosanitaria e animación sociocultural, traballarán moi de preto, tanto coa nova residencia de Ribadeo como co Hospital Asilo San Sebastián e San Lázaro.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
