NOTA DE PRENSA:
A Deputación estrea en Viveiro a @, un innovador espazo lúdico-formativo sobre a administración electrónica
– É unha carpa de 120 m2, de cor vermella e forma de @, que permanecerá na esplanada do pavillón deportivo, á carón da praia de Covas, do 15 ó 16 de agosto
– Talleres sobre o DNI electrónico, as fotografías e postais dixitais, simuladores virtuais, sorteos tecnolóxicos e os monólogos de Oswaldo, achegarán ós participantes a e-administración e as novas tecnoloxías
– Lara Méndez subliña que a @ recorrerá toda a provincia para dar a coñecer ós veciños as avantaxes da implantación da administración electrónica na provincia
A Vicepresidenta Segunda da Deputación, Lara Méndez, xunto ó Alcalde de Viveiro, Melchor Roel, avanzou este xoves que o organismo provincial presentará na localidade mariñana, durante as festas de San Roque os días 15 e 16 de agosto, a @ da Deputación. Trátase dunha innovadora carpa de 120 metros cadrados, de cor vermella e forma de @, que busca sensibilizar ós cidadáns coa administración electrónica. Lara Méndez subliñou que “estreamos en Viveiro un verdadeiro espazo tecnolóxico que recorrerá toda provincia para dar a coñecer as avantaxes da implantación da e-administración na provincia que logrará a Deputación en menos dun ano”.
O organismo provincial situará a @, unha iniciativa que se enmarca dentro do programa tecnolóxico Innova-TE dotado de 9 millóns de euros, co-financiado nun 70% con fondos da Unión Europea e nun 30% polo INLUDES, na esplanada do pavillón deportivo viveirense, á carón da praia de Covas. O horario de apertura será de 12:00 horas ás 20:00 horas.
Será un espazo lúdico-formativo mediante o cal os participantes sumerxeranse na administración electrónica e nas novas tecnoloxías mediante obradoiros, xogos, sorteos, agasallos, e mesmo simuladores de última xeración. Deste xeito, a primeira e obrigatoria parada dos seus visitantes será o taller do DNI electrónico. A Vicepresidenta Segunda explicou que “organizamos este obradoiro porque os cidadáns deben saber, en primeiro lugar, cal é a chave da administración aberta 24 horas, e os 365 días do ano: o DNI electrónico, a clave que nos permitirá realizar dende a casa e mediante a Internet 120 trámites coa administración”.
Logo de realizar este obradoiro, e acadar un diploma que acredite ser coñecedor da “chave” da e-administración, os cidadáns participarán nos sorteos tecnolóxicos de lectores de DNI, chaves USB, e mesmo de 2 ebooks (lectores de libros electrónicos), e outros 2 netbooks (ordenadores portátiles de baixo custe e reducidas dimensións).
Actividades lúdicas
Da mesma forma, a @ contará con actividades lúdicas coas que se pretende achegar e facilitar o acceso ás novas tecnoloxías a todos os cidadáns, independentemente da súa idade, e dunha forma sinxela e divertida. Deste xeiro, Vodafon e R cederon á Deputación de forma gratuíta un taller para realizar fotografías dinámicas, outro para enviar postais dixitais, e un simulador virtual de carreiras de coches con varios vehículos de tamaño case real. A carpa tecnolóxica estará ademais amenizada por Oswaldo. O cómico galego acompañará durante o seu percorrido ós visitantes explicando cos seus monólogos que é a administración electrónica. Ademais, polas rúas de Viveiro, excéntricos persoaxes animarán os veciños a achegarse a @.
O espazo tecnolóxico contará con sinal wifi e blue wifi. Deste xeito, ademais de poder conectar á Rede, interactuarase cos veciños mediante mensaxes gratuitas que chegarán os móviles para avisar do que acontece na @ minuto a minuto.
O público poderá degustar embutidos de porco celta da gandería Celtagal, de Mondoñedo. O deputado de Rural Daniel García, Alba Fernández, da organización das festas, e Iván Rodríguez e Jose Barreira, representantes de Asoporcel, presentaron a iniciativa, que se inclúe no programa de fomento do consumo de razas autóctonas Un gusto de rural, un rural de gusto. O programa, posto en marcha en 2025 para socializar as calidades gastronómicas das carnes de razas autóctonas galegas con diferentes receitas, prevé este ano 37 degustacións en mercados, feiras e outras celebracións populares. Na organización, que conta coa colaboración das asociacións Puraga, Asoporcel e Boaga, prímase o emprego de materia prima de gandeiras e gandeiros locais.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
No acto acompañará ao autor o filólogo e escritor Ramón Reimunde.