Nota de Prensa
O PP afirma que haberá traballadores que non teñan subidas salariais.
Considera que o alcalde e Remedios López son o exemplo da ineptitude.
Os populares denuncian que o peche do convenio colectivo foi “traxicómico”.
O GMPP afirmou hoxe que no concello de Burela haberá traballadores que teñan subidas salariais e outros que non as terán, gracias a que o alcalde e Remedios Lòpez fixeron unhas propostas que son o máis vivo exemplo da “xustiza social” e que demostran que o alcalde, unha vez máis, e xa van ben delas, “dixo a verdade” cando dixo que as subidas de soldos motivadas pola redaccion do novo convenio “afectarían” a todo o mundo. O que non dixo é en que medida afectarían, e xa se vé que uns traballadores están mui positivamente afectados, porque teñen subidas de máis de tres mil euros, e outros están mui negativamente afectados, porque solo tiveron a subida que lles correspondía por lei.
O PP desexa puntualizar que en todo momento acepta que haxa incrementos salariais pero de xeito que abarquen a todo o persoal e tendo en conta a situación de crise económica que estamos a vivir que se establezan incluso calendarios para establecer tales incrementos. Igualmente, considera que a postura dos sindicatos é a habitual nestes casos, ou sexa, acadar maiores salarios e máis cobertura de ámbito sociolaboral.
Pero os populares lembran que é precisamente nestas situacións de crise cando o alcalde tén que dar mostras de prudencia e corresponsabilizarse co principio de reparto equitativo e xusto dos fondos públicos.
O GMPP lembra que a política de persoal é un desastre, porque Remedios López pensa que o concello é a “súa empresa”, e fai dela un auténtico “corralito”. Como mostra, indicar que xa foi mui contestada a concesión da paga de productividade hai un ano; os procedementos de contratación do persoal teñen sido, en certos casos, alegales, como o caso da contratación do monitor de xardinería do Obradoiro de Emprego, ou a máis que dubidosa elaboración de exames para oficiais e peóns.
Os populares consideran que o reparto dos sesenta e catro mil euros que o alcalde dixera que había para incrementos salariais neste ano 2008, é inxusto, insolidario, e discriminatorio. O PP recoñece que negociar un convenio non é doado, porque as negociacións representan mutuas concesións, pero o alcalde e Remedios López demostraron que non son capaces de facer propostas que beneficien económicamente ó conxunto dos traballadores. Se había sesenta e catro mil euros, habería que tentar que todos tiveran unha parte desa contía, pero non foi así.
Esto demostra a ineptitude do alcalde e de Remedios López, que adicaron dez meses a elaborar un convenio que debería estar asinado a finais do ano pasado. Convenio que tivo un peche “traxicomico”, propio da personalidade do alcalde e de López, xa que os representantes sindicais tiveron que asinar o convenio en dous días, un día a literatura, e outro día a parte económica.
O GMPP tamén quere destacar a postura perversa e impresentable do BNG, xa que a central sindical que lle é afecta, a CIG, non tomou parte do proceso negociador, o que non deixa de ser sorprendente; os concelleiros do BNG non formaron parte do proceso negociador; se sobreentende que deberían estar a favor dun reparto equitativo dos fondos públicos, e chegan á comisión informativa e dan a calada por resposta, cando nesa comisión o PP anunciou a solicitude de varios informes que segundo os populares deberían clarexar a legalidade dos acordos que se propoñían ó pleno.
Finalmente, os populares consideran que non é de recibo que o alcalde anuncie unha revisión da Relación de Postos de Traballo, algo que por unha parte é lóxico, porque a anterior foi aprobada a principios de 2006, e que ó mesmo tempo modifique as contías que cobrarán determinados traballadores, que non todos, sen unha valoración previa do posto de traballo.
En Burela, a once de Novembro de dous mil oito.
O GMPP do concello de Burela.
DATOS ESTATÍSTICOS SOBRE OS TRABALLADORES AFECTADOS POLOS INCREMENTOS FIXADOS NO CONVENIO.
DATOS SEGUNDO OS CADROS QUE SE ADXUNTAN NO EXPEDIENTE DA SESIÓN PLENARIA
NÚMERO TOTAL DE FUNCIONARIOS DE PLANTILLA.- 24
FUNCIONARIOS AOS QUE SE LLES SUBE O SOLDO.- 15
CONTIA QUE SE DISTRIBÚE ENTRE OS FUNCIONARIOS QUE VEN INCREMENTADO O SEU SOLDO.- 22.400’00€
NÚMERO TOTAL DE PERSOAL LABORAL FIXO.- 44
TRABALLADORES ÓS QUE SE LLE SUBE O SOLDO.- 22
CONTÍA QUE SE DISTRIBÚE ENTRE O PERSOAL LABORAL QUE VE INCREMENTADO O SOLDO.- 25.000’00€
PERSOAL LABORAL TEMPORAL.- +- 10.000’00€
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
