Mondoñedo, 31 de outubro, 2022. A Asociación Xuvenil Xoldra de Mondoñedo ven de presentar a Iª edición do BreaSon, unha programación que inclúe teatro, malabares, oferta gastronómica, concertos, magosto con foliada, entre outras. Os concertos principias serán na Praza da Catedral de Mondoñedo dende o 4 ata o 6 de novembro. Tódalas actuacións son de balde e para tódalas idades.
BreaSon así se chama o amplo plan de actividades de lecer, lúdicas e culturais realizado por esta asociación sen ánimo de lucro, para conmemorar o seu XXV aniversario.
“Queremos compartir con todas as nosas veciñas e veciños, amigas e amigos e con tódalas persoas que nos visitan, que estamos de aniversario. Cumprimos nada máis e nada menos que 25 anos, os rapaces e rapazas que formamos parte de XOLDRA medramos todos xuntos nesta asociación colaborando nun montón de actos da nosa cidade. O carnaval, o mercado medieval, as San Lucas, a carreira de fin de ano, os magostos, e participando sempre moi activamente en toda a programación cultural da nosa vila. E agora queremos devolver este agradecemento a todos cantos nos axudaron neste camiño, facéndoos tamén participes da nosa historia e por supostos da nosa celebración”, explican dende a asociación xuvenil.
“Por iso creamos O BreaSon. Serán 3 dias de actividades cheos de moita cultura, con música alternativa, teatro, malabares, magosto, cata de viño e incluso soarán as campás da Catedral. Todos formamos parte desta historia e queremos que as campás resoen tamén, e sexan testemuña deste XXV aniversario”, sinalan.
“Quedades todas e todos convidados a este pequeno festival que organizamos con moito cariño e no que levamos argallando dende fai moito tempo. A cultura, a música ou o teatro son sinais de identidade da nosa Asociación, por iso queremos que estean moi presentes na nosa programación, e por suposto que poidades desfrutar dela”, explican dende XOLDRA.
Agradecementos
“Tamén queremos aproveitar esta ocasión para dar as gracias a tóldalas institucións e organismos públicos que colaboraron e seguen colaborando a día de hoxe con nós nos para sacar adiante os nosos proxectos. Gracias por escoitarnos, deixarnos crear e seguir medrando”. Concretamente ao Concello de Mondoñedo, a Deputación de Lugo a través da área de Cultura, a Xunta e a entidades privadas como Abanca, e os bares de Mondoñedo O Porriño, O Palique, a asociación cultural o Pasatempo. Así como a tódalas persoas que colaboran con nós de xeito desinteresado.
Programación
A programación de BreaSon celebrase dende o 4 ata o 6 de novembro. As actuacións son para tódolos públicos e de balde.
O venres día de 4 de novembro haberá teatro no Auditorio ás 19:00 horas, coa obra “A vida tola de pajarito”, un espectáculo de Novo Circo da compañía Pistacatro. Ás 20:00 horas neste mesmo recinto actuará Cé Orquestra Pantasma un clásico da programación cultural das festas de Galicia. E remata a xornada co músico, guitarrista e compositor Viti Gutier no Porriño.
O sábado día de 5 de novembro é o día principal e con máis actuacións. A xornada comeza ás 12 da mañá coa exhibición de malabares de Kote Malabar. Ás 12:30 haberá cata de viños e ás 18:00 horas magosto que organiza a Asociación O Pasatempo con castañas, viño e chocolate de balde.
A partir das 21:30 a Praza da Catedral de Mondoñedo será o escenario das actuacións de HIGH PAW, ás 23:00 será LISDEXIA, ás 00:30 será o turno de THE RAPANTS e a partir das 02:00 BANANA JOE. Tamén haberá afteparty no Casino ás 03:00.
O domingo día 6 de novembro ás 13:00 horas comezarán a tocar as campás de Catedral para conmemorar a súa declaración como manifestación representativa do patrimonio cultural inmaterial. E para dar peche ao BreaSon, ás 19:00 horas disfrutaremos no Auditorio da obra O terapeuta, da Asociación Pico do Castro de Foz. E así pecharemos o telón desta I edición do festival.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
