Desde o Grupo Municipal Popular creen que hai en traballar en conxunto para buscar unha solución temporal a todas as persoas que están no hospital asilo recolocándoos “en Ribadeo si é posible e, senón pode ser, na comarca de A Mariña”
Ribadeo, 10 de novembro de 2022. O voceiro do PP de Ribadeo, Dani Vega, fixo unha valoración dos asuntos que se trataron no pleno ordinario de Ribadeo celebrado o pasado mércores, onde se falaron sobre cuestións de vital transcendencia para a vila como é o caso da reforma do hospital-asilo, a renovación do patronato de Pedro Murias e a homenaxe a Víctor Moro Rodríguez, gran defensor de ribadeo e os seus intereses, divulgador e defensor do sector pesqueiro, entre outras.
O primeiro dos temas a tratar foi a creación, por unanimidade, dunha Comisión Técnica de traballo para a reforma do hospital asilo. “Nós estamos de acordo nesta decisión, pero botamos en falta unha comisión na que teña cabida toda a corporación, é dicir, na que participen todos os portavoces dos grupos políticos. Creo que é positivo escoitar as distintas propostas e aportacións, e darlle cabida tamén á Xunta de Galicia, pois si pretenden buscar financiación nas administracións, a teñen que facer partícipe nesta Comisión”, di Dani Vega.
A reubicación das persoas afectadas por esta reforma do hospital-asilo foi outros dos puntos a comentar, no que o voceiro deixou constancia da súa postura: “Todos temos que traballar en conxunto para buscar solucións a estas persoas, buscando ubicacións en Ribadeo, e senón pode ser, que sexa preto da vila ou na propia comarca de A Mariña”.
Por outra banda, a renovación do patronato do CFEA Pedro Murias foi outro dos asuntos a debater. Os populares quedaron “abraiados” ante a proposta do BNG de reglar formación para o centro. “Nós xa lles explicamos que hai ciclos formativos neste momento, hai un FP dual de formación forestal onde hai alumnos que rematan os estudos e teñen contratos de traballo, tamén formación no reglada para gandeiros e agricultores e actividades para os centros educativos. Queda claro que o BNG descoñece a realidades e as actividades que acontece no centro”, explica o voceiro popular.
“Sorpréndenos tamén a falta de respecto que teñen pois calificar de “cuchipandas” á asociación de mulleres ruraisl que veñen a formarse a Pedro Murias non ten sentido” afirma Dani Vega.
Homenaxe a Víctor Moro Rodríguez
“De ben nacido é ser agradecido”, con este refrán explica Vega o valor que ten a homenaxe a Víctor Moro Rodríguez, unha gran persoa e un defensor claro dos intereses do sector pesqueiro que traballou moito polo topónimo da Ría de Ribadeo. Por iso, “consideramos que hai que dedicarlle un espazo público”. Neste caso, o peirao de Porcillán pasará a charmarse peirao Porcillán-Víctor Moro Rodríguez.
Rogos e preguntas
Ao finalizar o pleno, no apartado de rogos e preguntas, o grupo municipal popular realizou unha serie de preguntas ao goberno do BNG en relación a cuestións de actualidade que están afectando a Ribadeo e aos seus veciños. É o caso do problema dos roedores e os graffitis. No primeiro, a contestación non concreta absolutamente nada, e no segundo tiran balóns fora.
“Cando tratamos estes temas, a resposta por parte do BNG foi con moita delicadeza, pero sin dicir nada. Déronnos a entender que si hai graffitis nas fachadas, que cada un pinte a súa facha e se os espazos públicos están a ser danados continuamente, pois non é o seu problema” di Dani Vega. Neste sentido, desde o grupo popular levan moito tempo pedindo a colocación de cámaras cumprindo coa normativa vixente, nos edificios públicos como e o caso do auditorio, para resolver este problema que veñen demando hai tempo os veciños
Promesas electorais baleiras e sen solucións reais, como é o caso do acceso á praia do Cargadero. Segundo o BNG, están esperando a que Costas diga cál é o orzamento e cáles son os estudos técnicos que hai que facer, dando a entender que vai a ser difícil facelo antes de o verán. “A realidade é moi distinta, todos puidemos ler que hai un orzamento por parte de Costas e os estudos técnicos están feitos. Por iso, creemos que é unha resposta para quedar ben e trasladar promesas electorais a través de notas de prensa en vez de buscar solucións reais”, apunta Dani Vega.
En outros aspectos, tratáronse a problemática dos parques biosaudables en Ribadeo. “Como están todos mal e non teñen un mantemento propio, a solución que teñen é arrancalos. Así solucionan os problemas. O que teñen que facer é arranxar os danos”. Por outra banda, na cuestión da lancha de protección civil abandonada desde hai meses nun taller, o BNG pon de escusa que están esperando por un informe técnico da Xunta. “Están faltando á verdade. Non hai ningún problema, o único que hai que facer é arranxala e traballar co voluntario de protección civil que se lle está dando a espalda continuamente.” afirma o voceiro.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
