A conselleira da Igualdade puxo en valor as propostas presentadas que destacaron pola súa orixinalidade e carácter reflexivo
Santiago de Compostela, 25 de novembro de 2022. A conselleira de Promoción do Emprego e Igualdade, María Jesús Lorenzana, entregou hoxe nun acto na Cidade da Cultura, os premios de creación gráfica e audiovisual do concurso convocado polo 25-N, día internacional contra a violencia de xénero. A titular de Igualdade aplaudiu as propostas individuais e colectivas deste ano, que destacaron pola súa orixinalidade e reflexión acerca dunha problemática que adquire novas caras.
“Ano tras ano, e xa van catro , convocamos este concurso cun único obxectivo de promover a reflexión sobre a necesaria loita contra a violencia de xénero dentro dos centros educativos a través da ollada de vós, dos máis pequenos”, afirmou Lorenzana ante os participantes, e puxo en valor a importancia de ter “unha mirada fresca e renovada que visibiliza a educación en igualdade”.
As propostas gráficas e audiovisuais deste ano, puxo en valor, destacaron polas “mensaxes directas e claras en contra da violencia de xénero” e por ser “propostas orixinais e de calidade, mostra da gran sensibilidade e conciencia” que a xuventude ten sobre o tema.
A Xunta promove a formación en valores como un eixo transversal de todas as políticas educativas. “En Galicia temos ese compromiso: queremos formar bos estudantes e tamén bos cidadáns, por iso, queremos que as nosas aulas sexan verdadeiros espazos de inclusión e liberdade”, dixo Lorenzana.
Premiados
Escolares de Lugo, Pontevedra, Santiago de Compostela, Cee (A Coruña), Ourense, Ferrol, Salvaterra de Miño (Pontevedra) e Burela (Lugo) recolleron hoxe os seus galardóns.
Na 1ª categoría de imaxe gráfica -5º e 6º de educación primaria e de 1º e 2º de Educación Secundaria Obrigatoria (ESO) e educación especial- resultou recoñecido un alumno do IES Ánxel Fole de Lugo polo traballo Non sexas o seu xoguete. Ocupou o 2º posto, Sempre hai portas por abrir, doutro estudante de 1º de ESO do Colexio Santo Ángel de Ourense.
Na modalidade audiovisual desta mesma categoría, foi recoñecido o traballo Entendes ou non, a proposta do CEIP Mestre Martínez Alonso de Pontevedra. Foi segundo o CIFP Pintor Antonio Fernández, tamén de Pontevedra, por Trata como queiras que che traten!!
Na 2ª categoría -dirixida a 3º e 4º de ESO e 1º e 2º de Bacharelato, FP básica e de ciclos de grao medio e superior- o primeiro posto en imaxe gráfica foi para un grupo de 1º de Bacharelato do IES de Sar, de Santiago de Compostela, pola súa proposta O amor non morde. Concedéronse tamén un segundo premio, a un equipo de 2º de Bacharelato do IES Salvaterra de Miño (Pontevedra), polo traballo Abre os ollos, están matando mulleres; e un accésit ao cartel do CIFP Leixa de Ferrol, co título: A violencia non che dá poder.
Na modalidade audiovisual destes cursos, os recoñecementos foron para dúas equipas. O primeiro para Control virtual, violencia real, a proposta do ciclo medio de xestión administrativa do IES Fernando Blanco de Cee (A Coruña). A plata foi para Non cales. Fala, montaxe realizada por 1º de Bacharelato do IES Monte Castelo de Burela (Lugo).
Todos os galardoados, ben a título individual como colectivo, recibiron cheques regalo para investir no comercio local e os centros representados, cadanseus lotes de libros.
Minuto de silencio
A entrega de premios fíxose coincidir coa conmemoración do Día internacional contra a violencia de xénero. A conselleira, acompañada dos asistentes, uniuse no recinto ao minuto de silencio en conmemoración das vítimas e de chamada a loitar contra a violencia de xénero.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
